Vol. 437 No. 6
122 D'fhiafraigh Éamon Ó Cuív den Aire Oideachais an bhfuil sé i gceist aici an uimhir ag a gcailltear oide i scoileanna dhá oide, trí oide agus ceithre oide a laghdú tuilleadh de bharr na titime atá ar an ráta breithe, agus na titime daonra i go leor ceantar tuaithe.
Braitheann an méid oidí atá ceadaithe ar fhoireann teagaisc scoile náisiúnta ar an uimhir daltaí a bhí ar rollaí na scoile ar 30 Meán Fómhair don bhliain roimh ré. Faoi latháir tá gá le minimum de 26, 60 agus 94 daltaí, faoi seach, a bheith ar rollaí ar an dáta sin chun post an chéad, an dara agus an tríú chúntora a choimeád.
Níl aon socraithe déanta ag an bpointe seo faoi athrú a dhéanamh don scoilbhliain 1994-95 san íosuimhir daltaí ag a mbeidh na postanna i gcoitinne á gcoimeád sa scoilbhliain sin. Beidh mo Roinnse ag plé na ceiste sin leis na húdarásaí bainístíochta agus le Cumann Múinteorí Éireann ar ball beag sara gcinnfear ar socrú faoin scéal.
