Vol. 439 No. 3
46 D'fhiafraigh Éamon Ó Cuív den Aire Ealaíon, Cultúir agus Gaeltachta an mbeadh sé sásta glacadh le hiarratais faoi Scéim Labhairt na Gaeilge, ó dhaoine ó Ghaeltacht Chonamara a raibh orthu glacadh le tithe comhairle contae taobh amuigh de theorainneacha na Gaeltachta mar nach bhfuil an scéim tithíochta ag Comhairle Chontae na Gaillimhe i nGaeltacht Chonamara.
, Donegal South-West): De réir coinníollacha na scéime seo, ní mór d'iarratasóirí a bheith ina gcónaí sna limistéir Ghaeltachta.
Baineann an coinníoll céanna le cuid mhaith scéimeanna eile atá á reachtáil ag mo Roinnse agus ní dhéantar eisceacht i gcás go mbíonn ar theaghlaigh ón nGaeltacht cur futhu lasmuigh de na limistéir ar fáth amháin nó fáth eile.
Is oth liom nach bhféadfainn eisceacht a dhéanamh i gcás na dteaghlach atá luaite ag an Teachta ach an oiread.
