Vol. 461 No. 5
32 D'fhiafraigh Mr. Sargent den Aire Ealaíon, Cultúir agus Gaeltachta cén dul chun cinn atá déanta ar an athbhreithniú atá ar bun faoi na heagraíochtaí deonacha Gaeilge agus an bhfuil plean aige a leithéid a dhéanamh leis an heagraíochtaí Stáit Gaeilge chomh maith. [3215/96]
Is ar 17 Eanáir a d'fhógair mé go raibh mé tar éis Coimisiún a bhunú — i gcomhréir le gealltanas a tugadh sa Chlár don Rialtas le haghaidh Athnuachana — chun ról, struchtúr, éifeachtacht agus comhpháirtíocht na n-eagras deonacha Gaeilge, a fhaigheann cúnamh bliantúil ón Stát, a bhreithniú. Tá an Coimisiún sin i mbun oibre cheana féin agus táim ag súil le moltaí uaidh faoi dheireadh Bealtaine.
