Vol. 475 No. 3
17 D'fhiafraigh Mr. Clohessy den Aire Ealaíon, Cultúir agus Gaeltachta cé na critéir a chuirfear i bhfeidhm chun a chinntiú go mbeidh béim níos mó ar shaothrú na hoidhreachta agus cultúr na teanga sna Gaeltachtaí i gcothú fostaíochta agus i neartú na bpobal a labhraíonn Gaeilge mar nasc cultúir agus sóisialta; agus an ndéanfaidh sé ráiteas ina thaobh. [4704/97]
Tá treo láidir dearfach á ghlacadh ag Údarás na Gaeltachta maidir le tionscadail atá bunaithe ar an oidhreacht, ar an teanga agus ar an gcultúr i gcothú fostaíochta agus i neartú na bpobal Gaeltachta. Tríd is tríd is é aidhm straitéis an Údaráis ó thaobh forbairt na Gaeltachta de ná pobail fhéinmhuiníneacha inmharthana a chruthú trí shainiúlacht chultúr na Gaeltachta a chomhtháthú isteach i dtionscnaimh i réimsí eacnamaíochta, sóisialta agus cultúrtha.
Is iad na bunchritéir atá ag an Údarás sa chur chuige sin ná a chuid fheidhmeanna faoi na hAchtanna um Údarás na Gaeltachta, áit a dtugtar tosaíocht ar leith do chaomhnú agus leathadh na Gaeilge mar phríomh-mheán cumarsáide sa Ghaeltacht agus d'fhorbairt na Gaeltachta ó thaobh cultúir de.
