Vol. 475 No. 4
180 D'fhiafraigh Éamon Ó Cuív den Aire Comhshaoil an bhfuil iarratas aige ó Chomharchumann Forbartha Inis Mór Teoranta, ar chruinniú le fadhbanna uisce Inis Mór a phlé, agus má tá an bhfuil i gceist aige nó ag oifigigh óna Roinn casadh le hionadaithe ón gComharchumann agus má tá cén uair a bheidh an cruinniú sin ann. [5142/97]
Tá iarratas faighte agam ó Chomharchumann Forbartha Inis Mór Teoranta ar chruinniú chun fadhbanna uisce a phlé. Tá iarratas ar mhaoiniú ón gCiste Comhuaineach do scéim uisce Inis Mhóir curtha faoi bhráid an Choimisiúin Eorpaigh ag mo Roinn ach níl cinneadh faighte ar seo go fóill. Ní féidir a rá, roimh chinneadh a fháil ón gCoimisiún, cathain a bheifear in ann scéim uisce Inis Mhóir a cheadú. Sa comhtéacs seo, sílim nach dtiocfadh toradh fíuntach as cruinniú le toscaireacht ag an am seo.
