Vol. 491 No. 6
235 D'fhiafraigh Mr. McGinley den Aire Ealaíon, Oidhreachta, Gaeltachta agus Oileán cén uair a bheidh sí ag fógairt deontais na mbóithre portaigh Gaeltachta ó tharla go bhfuil leath na bliana imithe cheana féin agus go bhfuil géarghá le deisiúchán ar mhórán acu. [12993/98]
Faoi mar is eol don Teachta, d'fhógair mé le déanaí cuid de na bóithre Gaeltachta, bóithre Thír Chonaill san áireamh, a ndéanfar airgeadú orthu i mbliana faoi Scéim na mBóithre Áise. Déanfar cinneadh go han-luath faoi na bóithre eile, bóithre portaigh san áireamh, a ndéanfar airgeadú orthu faoin Scéim.
De bharr líon na niarratas a fuair an Roinn, os cionn míle, bhí go leor réamhréiteach le déanamh sular bhféadfaí an liosta don bhliain seo a fhógairt.
