John Perry
Question:29 D'fhiafraigh Mr. Perry den Aire Ealaíon, Oidhreachta, Gaeltachta agus Oileán cé na moltaí atá aici chun oidhreacht, tionscail agus éiceolaíocht na n-uiscebhealaí intíre a chaomhnú. [19150/99]
Written Answers. - Uiscebhealaí Intíre.
Is eol don Teachta, ní foláir, go bhfuil an cuspóir sonrach seo a leanas leagtha síos sa Ráiteas Straitéise 1998-2000 de chuid mo Roinne-se:
"Polasaí agus straitéis a fhorbairt chun na huiscebhealaí intíre, a seandálaíocht tionsclaíoch agus a n-oidhreacht nádúrtha a athchóiriú agus a chosaint agus na deiseanna caithimh aimsire, taitneamhachta agus turasóireachta a bhaineann leo a fhorbairt."
Is féidir liom a dheimhniú don Teachta go dtugtar aird chuí ar chur i bhfeidhm an chuspóra sin sna gníomhaíochtaí a bhíonn idir lámha ag Rannán Uiscebhealaí mo Roinne-se. Ina thaobh sin de, dírím aird an Teachta ar an bhfreagra a thug mé inniu ar Cheist Dála Uimh 22.