Ba mhaith liom a rá i dtosach gur chas mé mar Aire le dreamanna éagsúla a bhí ar tuairimí éagsúla i dtaobh na nithe seo agus níor dhiúltaigh mé castáil le haon duine. Ar ndóigh tá go leor daoine agus grúpaí agus suim acu i bhforbairt Pháirc Náisiúnta na Bóirne agus labhraim mé le daoine trí chruinnithe foirméalta, cruinnithe neamh-fhoirméalta, ag mo chlinící rialta Dáilcheantair, agus trí ghlaonna gutháin. Dá bhrí sin, is deacair a bheith cruinn i dtaobh líon na gcruinnithe, nó teagbhálacha déanta, agam féin nó ag foireann mo Roinne.
Chas mé féin le muintir Kilfenora agus Corofin go minic agus arís le gairid i gcomhthéacs na tairisceana a chuir mé faoina mbráid go n-íocfaí deontais £500,000 an ceann leis na Coistí Pobail ar mhaithe le háiseanna cuairteoirí a fhorbairt ar ábhair a bhaineann le Páirc Náisiúnta na Bóirne. Mar is eol don Teachta, chas mé freisin le muintir Kilnaboy Community Development Association tar éis don Bhord Pleanála cinneadh a dhéanamh maidir le Mullagh Mór.