Brian O'Shea
Question:1125 D'fhiafraigh Mr. O'Shea den Aire Oideachais agus Eolaíochta i dtaobh Cheist Pharlaiminteach 12 den 15 Samhain, 2001, cén dul chun cinn atá déanta ó shin; agus an ndéanfaidh sé ráiteas ina thaobh. [1272/02]
Written Answers. - Bunú Comhlachta.
I mí na Nollag seo caite, d'fhógair mé bunú na Comhairle um Oideachas Gaeltachta agus Gaelscolaíochta faoi alt 31 den Acht Oidea chais, 1998 chun an t-oideachas trí mheán na Gaeilge agus múineadh agus foghlaim na Gaeilge a chur chun cinn. Tabharfaidh an Chomhairle raon feidhmeanna comhairleacha agus tacaíochta uirthi féin maidir leis an oideachas trí Ghaeilge agus le múineadh na Gaeilge. Orthu sin beidh pleanáil agus comhordú téacsleabhar agus áiseanna foghlama agus forbairt polasaithe chun soláthar oideachais trí mheán na Gaeilge i scoileanna aitheanta i gcoitinne agus i scoileanna sa Ghaeltacht a éascú. Beidh 23 bhall sa Chomhairle agus Breandán Mac Cormaic ó Ghaelscoileanna, atá ceaptha mar Chathaoirleach, san áireamh. Tugtar faisnéis faoi bhallraíocht na Comhairle san aguisín atá ag gabháil leis seo. Tiocfaidh an Chomhairle le chéile go luath chun tús a chur le réamhobair ullmhúcháin agus phleanála.
Tá obair an cheathrair oide atá ceaptha chun ábhair a bheidh oiriúnach do theagasc na Gaeilge i scoileanna Gaeltachta agus i scoileanna lán-Ghaeilge a dhearadh, ag dul ar aghaidh go maith. Tá an obair dréachtaithe maidir le sraith ceachtanna do Naíonáin Shóisearacha beagnach críochnaithe. Tá sé i gceist tosú go luath ar phíolótú agus ar thástáil na gceachtanna sin i roinnt scoileanna Gaeltachta agus i roinnt Gaelscoileanna. Táthar i dteagmháil le saineolaithe teangeolaíochta maidir le leasú na gceachtanna sin lena chinntiú go mbeidh siad ar ardchaighdeán. Tá moltaí á gcur le chéile maidir le hábhar tacaíochta a oirfidh do na ceachtanna.
Aguisín
An Chomhairle um Oideachas Gaeltachta agus
Gaelscolaíochta – Ballraíocht
|
Cathaoirleach |
|
|
Breandán Mac Cormaic |
|
|
Gnáthbhaill |
|
|
Míchéal Mac Aodha |
Eagraíocht na Scoileanna |
|
Tomás Ó Céilleachair |
Gaeltachta |
|
Máire Ní Fhlatharta |
|
|
Niamh Ní Mhaoláin |
Gaelscoileanna |
|
Fionnuala Ní Chaisil |
|
|
Jacqueline Ní Fhearghusa |
|
|
Séamus Mac Aoidh |
Ionadaí na múinteoirí Gaeltachta |
|
Dónal Ó hAiniféin |
Ionadaí múinteoirí Gaelscoile |
|
Máire Denvir |
Ionadaí na dtuismitheoiríGaeltachta |
|
Lorcán Mac Gabhann |
Ionadaí tuismitheoirí Ghael-scoileanna |
|
Bríd Uí Luing |
Boird Bhainistíochta scoileannaGaeltachta |
|
Séamas Ó Súilleabháin |
Boird Bhainistíochta Ghael-scoileanna |
|
Dónal Ó Loingsigh |
Cumann Múinteoirí Éireann |
|
Deirbhile Nic Craith |
|
|
Catherine Fitzpatrick |
Cumann na Meánmhúinteoirí,Éire |
|
Maitiú Ó Murchú |
Aontas Múinteoirí Éireann |
|
Liam Ó Cuinneagáin |
Foras na Gaeilge |
|
Peadar Ó Flatharta |
Comhdháil Náisiúnta na Gaeilge |
|
Tadhg Ó Síocháin |
Cigireacht na Roinne |
|
Dónall Ó Conaill |
Ainmnitheach an Aire |
|
Tá beirt bhall breise le comhthoghadh ag an gComhairle. |