Gay Mitchell
Question:98 D'fhiafraigh Mr. G. Mitchell den Aire Gnóthaí Pobail, Tuaithe agus Gaeltachta an ndéanfaidh sé ráiteas faoin gciste fiontair do na hoileáin. [8394/03]
Other Questions. - Ciste Fiontair do na hOileáin.
Mar is eol don Teachta, tá ráite agam go poiblí go bhfuilim báúil don choincheap go mbunófaí ciste fiontair ar leith do na hoileáin taobh amuigh den Ghaeltacht.
I bhfianaise sin, bhí cruinniú agam ag tús na bliana seo le hoifigigh de chuid na Roinne Fiontar, Trádála agus Fostaíochta chun na saincheist áirithe seo a chur chun cinn. Ag éirí as an gcruinniú sin, d'iarr mé ar oifigigh de chuid mo Roinne féin dul i mbun comhráite leis an Roinn Fiontar, Trádála agus Fostaíochta. Tuigim go bhfuil roinnt mhaith dul chun cinn déanta cheana agus go bhfuiltear ag obair ar dhréacht-treoirlínte don scéim i láthair na huaire.
Is tosaíocht é seo atá don Aire féin. An gcuirfidh an tAire aon airgead ar fáil chun na ciste a bhunú do no hoileáin?
Tá €250,000 curtha ar leataobh agam agus bheinn ag siúl gur comhchiste a bheadh anseo. Tá comhráite ar bun, tá an cheist pléite agam agus tá an Tánaiste báúil le hairgead a chur ar fáil as a cuid acmhainní féin. Ciste níos mó ná ceann ag mo Roinnse atá i gceist agus tá roinnt ceisteanna fós a chaithfimid a réitiú ach tá an t-airgead ann.
Cathain a bheidh sé curtha ar bun?
Caithfimid scéim a chur le chéile agus tá trí Roinn i gceist – mo Roinn féin atá freagrach do na hoileáin, An Roinn Fionntar, Tradála agus Fostaíochta agus an Roinn Tuarasóireacta agus Spóirt mar baineann cuid mhaith tograí ar na hoileáin le cúrsaí tuarasóireachta. Caithfidh córas a bheith againn le tograí a mheas agus tá muid ag smaoineamh ar úsáid a bhaint as na boird fiontair mar níl mé ag iarraidh grúpa eile a chur ar bun – b'fhearr liom úsáid a bhaint as grúpa atá ann cheana leis an rud seo a láimhseáil.