Dáil Éireann Debate, Tuesday - 2 October 2012
336. D'fhiafraigh Deputy Éamon Ó Cuív den Aire Ealaíon; Oidhreachta agus Gaeltachta cén líon daoine a lorg an pacáiste tacaíochta faoin scéim Ag Tógáil do Pháiste le Gaeilge, briste síos de réir contae, Gaeltachta agus iar-Ghaeltachta; agus an ndéanfaidh sé ráiteas ina thaobh. [42038/12]
View answerTá pacáiste tacaíochta á chur ar fáil ag mo Roinnse faoin gClár Tacaíochta Teaghlaigh a bhfuil sé mar aidhm aige tacú le teaghlaigh atá ag súil le páiste nó a bhfuil páistí acu agus a dteastaíonn uathu a bpáistí a thógáil le Gaeilge. Is ar theaghlaigh de bhunadh na Gaeltachta atá an tionscnamh seo dírithe go príomha, cé go n-aithnítear go bhfuil éileamh air chomh maith lasmuigh den Ghaeltacht.
Go nuige seo, tá 116 pacáiste tacaíochta dáilte ag mo Roinnse: 27 chuig seoltaí poist sa Ghaeltacht agus 89 chuig seoltaí poist eile. Tá tuilleadh eolais sa tábla thíosluaite faoin éileamh atá ar an bpacáiste tacaíochta ón uair gur seoladh é faoin gClár Tacaíochta Teaghlaigh i mí Aibreáin 2012. Tá i gceist cur le hábhar an phacáiste go luath.
|
Contae |
Líon dáilte |
|
Dún na nGall |
12 |
|
Maigh Eo |
28 |
|
Gaillimh |
17 |
|
Luimneach |
1 |
|
Ciarraí |
1 |
|
Corcaigh |
7 |
|
Port Láirge |
3 |
|
Tiobraid Árann |
2 |
|
Baile Átha Cliath |
34 |
|
Cill Dara |
1 |
|
Cill Mhantáin |
3 |
|
An Mhí |
1 |
|
Lú |
1 |
|
Aontroim |
1 |
|
Áiteanna eile |
|
|
Poblacht na hAifrice Theas |
1 |
|
Londain |
2 |
