Dáil Éireann Debate, Thursday - 13 October 2016
119. D'fhiafraigh Deputy Éamon Ó Cuív den Aire Ealaíon, Oidhreachta, Gnóthaí Réigiúnacha, Tuaithe agus Gaeltachta cé na táillí atá beartaithe a ghearradh ar phaisinéirí sa gconradh nua don aersheirbhís go hÁrainn; agus an ndéanfaidh sí ráiteas ina thaobh. [30130/16]
View answerMar is eol don Teachta, tá próiseas tairisceana maidir le haersheirbhís d'Oileáin Árann ar siúl faoi láthair. Mar chuid den phróiseas sin, foilsíodh Iarratas ar Thairiscint inar leagadh amach na huastáillí a d’fhéadfaí a ghearradh faoin gconradh atá beartaithe. Ní féidir, dá bhrí sin, a rá ag an bpointe seo cén leibhéil táillí a ghearrfaidh an tairgeoir ar a mbronnfar an conradh.
