Forbairt Calaí agus Céanna

Dáil Éireann Debate, Wednesday - 13 January 2021

Wednesday, 13 January 2021

Questions (1197)

Éamon Ó Cuív

Question:

1197. D'fhiafraigh Deputy Éamon Ó Cuív den Aire Forbartha Tuaithe agus Pobail cén uair atá sé i gceist aici go mbeidh deis ag ionadaithe ó Phobal Inis Meáin scrúdu a dhéanamh ar an obair atá déanta ar riachtanais na hoibre ar Ché an Chalaidh Mhóir in Inis Meáin ag comhairleoirí i gCorcaigh, cibé acu go fisiciúil nó go fíorúil, de bharr na práinne a bhaineann le dul ar aghaidh le hobair phleanála ar an gCé seo; agus an ndéanfaidh sí ráiteas ina thaobh. [1368/21]

Written answers

Minister for Rural and Community Development

Tá teagmháil rialta idir oifigigh na Roinne agus oifigigh an Chomhairle Contae chun forbairt an Chalaidh Mhóir in Inis Meáin, agus an cheist sonrach seo  a phlé. 

Tuigtear dom nach raibh rochtain ar an áis NMCI ag an Comhairle Contae ná ag ionadaithe ó phobal Inis Meáin fós de bharr na srianta ag eascairt as COVID-19. 

Cé go raibh súil go mbeadh bealach éigin an t-eolas seo a chur i láthair go fíorúil, tá ráite anois nach féidir sin a dhéanamh.  Idir an dá linn, tá Comhairle Chontae na Gaillimhe ag plé go leanúnach leis an NMCI faoi bhealaí chun an obair a bhrú chun cinn agus chun teacht ar réiteach le cinntiú go mbeidh ar a gcumas deis a thabhairt do ionadaithe ón oileán a bheith páirteach, ag cur san áireamh na treorlínnte maidir le sláinte poiblí agus srianta taistil.