Dáil Éireann Debate, Tuesday - 19 October 2021
405. D'fhiafraigh Deputy Aengus Ó Snodaigh den Aire Turasóireachta, Cultúir, Ealaíon, Gaeltachta, Spóirt agus Meán cé hiad na tograí a mhaoineofar leis an €0.7 milliún breise molta don Fhoras Teanga, go háirithe cé mhéad den mhaoiniú seo a leithdháilfear ar Fhoras na Gaeilge, ar Bhord na hUltaise agus ar Chlár na Leabhar Gaeilge. [50750/21]
View answerFógraíodh allúntas bhreise de €700,000 don bhForas Teanga Thuaidh Theas i gCáinaisnéis 2022.
Is í an Chomhairle Aireachta Thuaidh Theas (CATT) a cheadaíonn na buiséid do na Forais Trasteorann uile, An Foras Teanga san áireamh. Déantar Foras na Gaeilge a chómhaoiniú ar an mbonn 75% ón Roinn ó dheas agus 25% ón Roinn Pobal ó thuaidh. Déantar Gníomhaireacht na hUltaise a chómhaoiniú ar an mbonn 25% ón Roinn ó dheas agus 75% ón Roinn Pobal ó thuaidh.
Tá tús curtha le comhráití leis an Roinn Pobal féachaint le comhmhaoiniú a chur ar fáil don allúntas bhreise seo de €0.7m do bhuiséad an Fhoras Teanga do 2022. Ní thosaíonn bliain airgeadais an Tuaiscirt go dtí mí an Aibreáin. Fágann seo go bhféadfadh go mbeadh roinnt míonna sula mbeifear in ann buiséad aontaithe an Fhoras Teanga Thuaidh Theas do 2022 a fhógairt.
