Dáil Éireann Debate, Thursday - 13 July 2023
100. D'fhiafraigh Deputy Éamon Ó Cuív den Aire Turasóireachta, Cultúir, Ealaíon, Gaeltachta, Spóirt agus Meán an bhfuil na teaghlaigh ar fad a choinnigh scoláirí faoi Scéim na bhFoghlaimeoirí suas go dtí deireadh mhí an Mheithimh tar éis a gcuid íocaíochtaí a fháil ón Roinn; mura bhfuil, cathain a íocfar iad; agus an ndéanfaidh sí ráiteas ina thaobh. [34527/23]
View answerIs i rith na seachtaine seo caite a sheol formhór na gcoláistí a gcuid éileamh ar íocaíochtaí isteach chuig an Roinn i leith na gcúrsaí atá curtha i gcrích go dtí seo. Tá oifigigh de chuid mo Roinne ag déanamh measúnaithe ar na héilimh sin faoi láthair agus ag súil go mbeidh na híocaíochtaí sin próiseáilte go luath.
Tá na héileamh ar íocaíochtaí a bhí faighte roimhe sin agus a raibh an páipéarachas ina leith in ord próiseáilte ag an Rannóg. Ní mór a lua go bhfuil an rannóg fós ag fanacht ar éilimh ó roinnt coláistí a bhfuil a gcuid cúrsaí críochnaithe acu. Tá meabhrúchán seolta amach ag an Roinn chuig na coláistí sin ag lorg an pháipéarchais chuí chun aon mhoill ar íocaíochtaí a sheachaint.
