Comhchoiste na Gaeilge ag iarraidh go mbeidh comhlachtaí poiblí réamhghníomhach, agus seirbhísí poiblí dátheangacha á soláthar don phobal acu

Tionólfar an cruinniú seo i Seomra Coiste 4, TL 2000, tráthnóna Dé Céadaoin ag 13:30.

Dúirt Cathaoirleach an Choiste, an Teachta Dála Aengus Ó Snodaigh: “Cé go dtuigeann an Comhchoiste go bhfuil dualgas ar an Rialtas go mbeidh 20% d’fhostaithe sa tseirbhís phoiblí ina bhfostaithe dátheangacha a mbeidh Gaeilge agus Béarla feidhmeach acu, tá an Comhchoiste ag iarraidh go gcinnteoidh an Coiste Comhairleach:

“Go mbeidh an 20% sin ionadaíoch agus gurb ann dó ag gach grád agus i ngach Comhlacht Poiblí fud fad na seirbhíse poiblí;

“Go mbeidh an 20% sin ionadaíoch agus gurb ann dó i soláthar gach seirbhíse poiblí a bhfuil ar fáil don phobal, comhlachtaí poiblí eile ina measc;

“Go gcuirfear beartas i bhfeidhm, fud fad na gcomhlachtaí poiblí, ina gcuirfear dualgas réamhghníomhach ar na fostaithe dátheangacha, seirbhísí dátheangacha a chur ar fáil go hoscailte, agus go mbeidh dualgas ar na comhlachtaí poiblí na seirbhísí dátheangacha atá á soláthar acu a fhógairt go réamhghníomhach don phobal.”

Tá 14 Chomhalta, naonúr ó Dháil Éireann agus cúigear ó Sheanad Éireann, mar Chomhaltaí ar  

Anuas air sin, pléifidh Roghchoiste na Gaeilge, na Gaeltachta agus Phobal Labhartha na Gaeilge na Meastacháin Fhorlíontacha le haghaidh Seirbhísí Poiblí 2023 ar Chlár C 'Gaeltacht' de Vóta 33 na Roinne leis an Aire Turasóireachta, Cultúir, Ealaíon, Gaeltachta, Spóirt agus Meán – an Teachta Dála Catherine Martin, agus le hAire Stáit na Gaeltachta – an Teachta Dála Patrick O'Donovan. Pléifear Buiséad TG4 le linn an chruinnithe seo freisin.

Tionólfar cruinniú an Roghchoiste i Seomra Coiste 2, TL 2000, maidin Déardaoin, an 23 Samhain 2023 ag 09:30.

Tá naonúr Comhaltaí de chuid Dháil Éireann mar Chomhaltaí ar Roghchoiste na Gaeilge, na Gaeltachta agus Phobal Labhartha na Gaeilge de Dháil Éireann.

Is féidir imeachtaí an Choiste a fheiceáil ar aip fhónchliste Thithe an Oireachtais, a bhfuil ar fáil orthu ar ghléasanna Apple agus Android.