Baineann deacrachtaí ar leith le tionscail a bhunú ar oileáin Ghaeltachta amach ón gcósta agus bímse ag brath ar Údarás na Gaeltachta — an comhlacht Stáit reachtúil atá bunaithe chun forbairt na Gaeltachta a chur chun cinn — chun tograí a aimsiú le lonnú ar na h-oileáin sin. Bíonn iarrachtaí leanúnacha ar siúl acu chun gnóthais a bhunú/a fhorbairt ar na hoileáin Ghaeltachta agus tá toradh dearfach ag teacht ar an obair sin de reir a chéile. Mar shampla cheadaigh an tÚdarás le bliain anuas trí thioscnamh forbartha ar oileáin Ghaeltachta ina bhfuil thart ar 50 post lánaimseartha iontu móide fostaíocht pháirtaimseartha/shéasúrach chomh maith.
Aithníonn an tÚdarás gur den riachtanas é go gcuirfear deiseanna fostaíochta ar fáil don aos óg le go mairfidh pobail na n-oileán Gaeltachta agus tig leis an Teachta glacadh leis go leanfaidh an eagraíocht lena gcuid iarrachtaí chuige sin.