Vol. 452 No. 2
68 D'fhiafraigh Mr. P. Gallagher (Donegal South West) den Aire Ealaíon, Cultúir agus Gaeltachta an bhfuil sé eolach faoin ngá atá le dreideáil agus leathnú a dhéanamh ar na háiseanna calafoirt ag Ailt an Corráin; agus an mbeidh sé sásta cuidiú leis an fhorbairt. [7788/95]
Faoi mar is eol don Teachta, chaith mo Roinnse thart ar £570,000 ar fheabhsú na saoráidí calaíochta ag Ailt an Chorráin sna hochtóidí agus caitheadh £15,000 i 1992 chun obair riachtanach dheisiúcháin a dhéanamh ar an bhfánán ann agus chun bun an fhánáin a ghlanadh.
Níl iarratas chun tuilleadh oibreacha forbartha a dhéanamh ar na saoráidí calaíochta ann faoi bhráid mo Roinnese. Tuigtear dom, áfach go bhfuil oibreacha dreideála ar siúl faoi láthair ag Roinn na Mara agus go bhfuil £270,000 ceadaithe ag an Roinn sin don obair.
