Baineann Alt a h-aon anseo le cáin ioncaim agus is é brí an Ailt seo an cháin ioncaim a mhéadú do réir réal sa phunt. Níl a fhios agam an bhfuil aon mhaith anois a iarraidh ar an Aire cuimhniú ar faoiseamh éigin a thabhairt don phobal i geás cháin ioncaim. Nuair a bhí an Dara Léamh ar siúl againn, do chuir roinnt Sheanadóirí i gcoinne an ráta cánach ioncaim. Cuid de chairde an Aire, is iad ba threise a bhí ina choinne.
Nuair a bhí an tAire ag caint, an lá deireannach, rinne sé aon tagairt amháin do cháin ioncaim—chomh maith agus is cuimhin liom—agus is é an tagairt é sin ná go raibh sé ag méadú an ráta de bhrí go raibh sé beartaithe ag an Aire Airgeadais a bhí ann roimhe. Is fíor é gur bheartaigh an tAire Airgeadais a bhí ann roimhe an cháin ioncaim a mhéadú réal i mbliana, ach na fátha a bhí aige leis an cháin ioncaim a mhéadú, níl siad ann anois, mar tá a lán de na scéimeanna a bhí beartaithe ag an Rialtas a bhí ann agus gur theastaigh an t-airgead breise ina gcóir, ar lár. Cheapfadh duine nach bhfuil gá leis an mbreis cánach seo anois, mar gheall air sin.
D'fhéadfadh an tAire a rá go bhfuil údar aige an bhreis airgid seo d'fháil. Má chruthaíonn sé go bhfuil an t-údar sin ann, ní bheimíd mí-shásta. Dúirt cuid dá chairde go bhfuil aicme áirithe ann agus go bhfuil tuilleadh airgid le fáil uathu-san. Má théann an tAire ar an slí sin, ní bheidh aon locht air. Mura maith leis an cháin ioncaim a laghdú go díreach, d'iarrfhainn air smaoineamh ar ar féidir leis faoiseamh a thabhairt do na daoine a bhfuil an faoiseamh ag teastáil—agus ag teastáil go géar—uathu. Níl aon amhras nach bhfuil an costas maireachtála imithe i méid, agus níl aon mhaith bheith ag caint thairis sin. Tá costas a lán de na riachtanaisí sa ghnáththeaghlach, imithe i méid. Is é an rud a mholfainn don Aire ná smaoineamh ar na daoine ar féidir leo breis chánach d'íoc agus an bhreis sin a bhaint díobh. Ach na daoine a bhfuil faoiseamh ag teastáil uathu, ba cheart go bhfaighdís é. Is é an tslí a mholfainn don Aire an faoiseamh sin a thabhairt dóibh ná an liúntas pearsanta d'ardú agus go háirithe i gcásanna daoine pósta, daoine a bhfuil muirín orthu.
Rinne an tAire féin argóint ar a shon so go minic cheana. Má bhí brí leis an argóint ag an am sin, is láidre go mór fós an argóint seo indiu, mar gheall ar an gcostas maireachtála a bheith imithe suas. D'iarrfainn air cuimhniú, in éindigh leis an liúntas pearsanta a mhéadú, ar an mcladh a rinne an Seanadóir Ó Briain an lá deireannach. Is é an rud é sin, go dtabharfadh sé a thuilleadh faoisimh mar gheall ar ioncam tuillte. Ba cheart dó, i gcás ioncaim tuillte, breis a thabhairt do na daoine ar an slí sin, mar a mhínigh an Seanadóir Ó Briain. Is léir dúinn ar fad é, an fhaid atá ar dhaoine cáin icncaim d'íoc ar an mbealach atá siad á íoc, táimid ag cur cúl nó srian le méadú ioncaim náisiúnta. Ba mhaith liom go dtabharfadh an tAire aird speisialta ar na rudaí seo —an liúntas pearsanta a mhéadú— agus tuilleadh faoisimh a thabhairt do dhaoine mar gheall ar an ioncam tuillte.
Ba mhaith liom a iarraidh air, freisin, tuilleadh faoisimh a thabhairt do dhaoine, agus is é an tslí a bhféadfad sé é a dhéanamh, ná faoiseamh a thabhairt tríd an liúntas le h-aghaidh lucht scoile a mhéadú. Rinne ar tAire argóint ar a shon sin cheana; agus ní gá dhomsa ach é a lua arseo.
I gcás na bpointí eile, má bhí brí leis na h-argóintí sin ins an am atá caite, is mó an bhrí atá leo faoi láthair, mar gheall ar an méadú aiá tagaithe ar gach costas agus go mór-mór ar chostaisí a bhaineann le gasúir scoile.
Mar phointe dheireannach, ba mhaith liom iarraidh ar an Aire an bhféadfadh sé an liúntas linbh a mhéadú. Tá 2s. 6d. don pháiste le fáil ag na daoine i gcásanna áirithe. Níl acn amhras nach bhfuil an costas maidir le páistí imithe suas go mór agus ba cheart don Aire féachaint an féidir leis faciseamh a thabhairt do na dacine trí na liúntaisí leanaí le go mbeidh cúiteamh acu sna hathruithe atá tagaithe ar an gcostas maireachtála. Nilimid in aghaidh ardú ar an gcáin ioncaim, má chruthaíonn sé go bhfuil sé riachtanach, ach ní mheasaim go bhfuil sé riachtanach, go mór mór mar gheall ar a oiread san de na scéimeanna a bhí ar bun ag an Rialtas deiridh a bheith leagaithe ar lár. Más féidir an chabhair sin a thabhairt do dhaoine, ba cheart go bhfaighidis é mar gheall ar an mí-ádh atá orthu de bharr costas maireachtála bheith imithe suas leis na 3 nó 4 mí atá caite.