Dáil Éireann Debate, Wednesday - 16 January 2013
566. D'fhiafraigh Deputy Éamon Ó Cuív den Aire Ealaíon, Oidhreachta agus Gaeltachta céard é an líon is mó daltaí in aon teach amháin a n-íocfar deontais ina leith faoi scéim na bhfoghlaimeoirí Gaeilge sa bhliain 2013 [1199/13]
View answerÍocadh deontas faoi Scéim na bhFoghlaimeoirí Gaeilge i leith uasmhéid de 14 foghlaimeoirí a bhí ar iostas le teaghlaigh sa Ghaeltacht i 2012.
Moladh i dtuarascáil mo Roinne, dar teideal Athbhreithniú ar chóras na gColáistí Samhraidh a foilsíodh i 2000, gur 14 foghlaimeoirí a bheadh mar uaslíon ceadaithe i ngach teach atá aitheanta faoin scéim agus go gcuirfí an moladh sin i bhfeidhm thar thréimhse 5 bliana. Tá sé i gceist ag mo Roinn leanúint i mbliana ag íoc deontas i leith uasmhéid de 14 foghlaimeoirí i ngach teach atá aitheanta faoin scéim.
