Dáil Éireann Debate, Tuesday - 11 October 2016
324. D'fhiafraigh Deputy Peadar Tóibín den Aire Ealaíon, Oidhreachta, Gnóthaí Réigiúnacha, Tuaithe agus Gaeltachta an bhfuil an Rialtas sásta tacú go hoifigiúil le Bliain na Gaeilge, 2018, ina ndéanfar comóradh agus ceiliúradh ar 125 bliana d’athbheochan na Gaeilge; agus an ndéanfaidh sí ráiteas ina thaobh. [29335/16]
View answerIs eol dom go bhfuil aitheantas oifigiúil á lorg ag Conradh na Gaeilge do Bhliain na Gaeilge 2018 chun comóradh agus ceiliúradh a dhéanamh ar 125 bliana d’athbheochan na Gaeilge. Tá na féidearthachtaí ina leith sin á mbreithniú agam i láthair na huaire agus beidh an cheist le plé tuilleadh ag mo Roinnse le Foras na Gaeilge agus leis an gConradh.
