Ainmníonn Comhchoiste na Gaeilge beirt i gcomhair Bhord TG4

Chomh maith leis sin, chomhaontaigh an Comhchoiste painéal de sheisear a dhearbhú mar thoradh ar na hagallaimh a d’eagraigh agus a chuir an Comhchoiste i gcrích ar an 5 agus an 6 Meán Fómhair 2022. Chomhaontaigh an Comhchoiste go gcuirfeadh sé na hainmneacha go léir ar an bpainéal seo, 6 ainm, ar aghaidh chuig an Aire, ag dáta níos déanaí, tar éis don Aire an dá cheapachán féin do Bhord TG4 a dhéanamh.

Dúirt Cathaoirleach an Comhchoiste, an Teachta Dála Aengus Ó Snodaigh: “Mar Chathaoirleach den Bhord a bhí i gceannas ar na hagallaimh, agus ar son mo chomhghleacaí a bhí ar an mBord liom, an Seanadóir Lorraine Clifford Lee, tá orm a rá go rabhamar beirt an-tógtha le caighdeán ard na 18 iarrthóir in iomlán a tháinig os ár gcomhair, go mórmhór leis an eolas agus an tuiscint a léirigh siad uilig ar chúrsaí TG4 agus Raidió Teilifís Éireann, agus ar chúrsaí a bhaineann leis an earnáil chraoltóireachta ina iomlán.”

Is mian linn ár mbuíochas, agus buíochas Chomhaltaí an Chomhchoiste go léir, a ghabháil dóibh as páirt a ghlacadh sa phróiseas seo agus as na scileanna agus as an eolas a léirigh siad dúinn.