den Aire Oideachais cá huair a cuirfear tús le tógáil na scoltacha úra i Rann na Feirsde agus ar an Bhun Beag, agus caidé na deacrachtaí atá ag coinneáil moille orthu fá láthair.
Ceisteanna—Questions. Oral Answers. - Scoileanna Nua i nDún na nGall.
D'fhiafraí
Tá suíomh oiriúnach curtha ar fáil don scoil nua ar an mBun Beag, Co. Dhún na nGall, ach sara féidir don Roinn deontas a cheadú le haghaidh tógáil na scoile, ní mór gnóthaí áirithe, a bhaineas le fianaise a sholáthar faoin teideal don tsuíomh sin, a chur i gcrích.
Bhí beartaithe scoil nua le trí seomraí a thógáil in áit na scoile atá faoi láthair i Rann na Feirsde, agus bhí réamh-shocruithe le haghaidh scoile den mhéid sin tugtha go maith chun cinn. De bhrí, áfach, gur thárla, gan choinne, laghdú mór ar an tinnreamh, b'éigean dom Roinnse aithbhreithniú a dhéanamh faoin bhfairsingeacht ba chóir bheith sa scoil nua. Fionnadh, de thoradh an aithbhreithnithe sin, gur leor dhá sheomra a bheith sa scoil nua.
Tá beartú á dhéanamh cheana féin chun an scoil dhá sheomra a chur ar fáil. Ní mór pleananna nua agus áirmheacht nua agus roinnt réamh-shocruithe eile a dhéanamh sara féidir le Coimisinéirí na nOibreacha Poiblí tairscintí a lorg chun an scoil a thógáil. Tógfaidh sé tamall chun na nithe seo go léir a chur i gcrích.
Ní féidir liom a rá cathain a cuirfear tús leis an obair thógála ar cheachtar den dá scoil seo, ach déanfar gach iarracht chun dlús a chur leis na réamh-shochruithe atá fós le déanamh ins an dá chás.