Vol. 466 No. 7
92 D'fhiafraigh Mr. Clohessy den Aire Ealaíon, Cultúir agus Gaeltachta cad a bhí i gceist aige nuair a dúirt sé go raibh sé ar intinn aige measúnú a dhéanamh ar obair agus ar chleachtas Gaeilge; an ainmneoidh sé na heagraisí a raibh sé i gcomhairle leo; agus an ndéanfaidh sé ráiteas ina thaobh. [12216/96]
Is é an Coimisiún chun Ról na nEagras Deonach Gaeilge a scrúdú a bhí i gceist agam nuair a rinne mé an tagairt a luaitear sa Cheist seo agus Ceist Dála Uimh. 22 á freagairt agam ar 28 Samhain 1995.
Ar 17 Eanáir 1996 d'fhogair mé go raibh Coimisiún ar leith á bhunú agam — i gcomhréir le gealltanas a tugadh sa Chlár don Rialtas le haghaidh Athnuachana — chun ról, struchtúr, éifeachtacht agus comhpháirtíocht na n-eagras deonach Gaeilge, a fhaigheann cúnamh bliantúil ón Stát, a bhreithniú.
