Bille na gCúirteanna Teaghlaigh, 2022

Bille dá ngairtear Acht do dhéanamh socrú maidir le hArd-Chúirt Teaghlaigh, Cúirt Teaghlaigh Chuarda agus Cúirt Teaghlaigh Dúiche a bhunú mar rannáin den Ard-Chúirt, den Chúirt Chuarda agus den Chúirt Dúiche láithreach; do dhéanamh socrú maidir le dlínse in imeachtaí dlí teaghlaigh a athleithroinnt idir na cúirteanna teaghlaigh; do dhéanamh socrú maidir le Príomh-Bhreithiúna agus breithiúna eile a shannadh do na cúirteanna teaghlaigh; do dhéanamh socrú maidir le cuarda Cúirte Teaghlaigh Cuarda agus dúichí Cúirte Teaghlaigh Dúiche a bhunú; do dhéanamh socrú maidir le nithe atá forlíontach i leith bhunú na gcúirteanna teaghlaigh agus maidir le nithe a bhaineann le breithiúna na gcúirteanna sin; do dhéanamh socrú i ndáil le himeachtaí dlí teaghlaigh a sheoladh os comhair na gcúirteanna sin; do dhéanamh socrú maidir le Coiste Rialacha Dlí Teaghlaigh nó Fochoistí Dlí Teaghlaigh de chuid coistí rialacha láithreacha a bhunú; agus, chun na gcríoch sin agus chun críoch eile, do leasú an Achta Cúirteanna Breithiúnais, 1924, an Achta Oifigigh Cúirte, 1926, an Achta Dlisteanais, 1931, an Achta Cúirteanna Breithiúnais, 1936, an Achta um Fheidhmiú Orduithe Cúirte, 1940, an Achta Cúirteanna Breithiúnais, 1953, Acht na gCúirteanna (Bunú agus Comhdhéanamh), 1961, Acht na gCúirteanna (Forálacha Forlíontacha), 1961, an Achta um Chaomhnóireacht Naíon, 1964, Acht na gCúirteanna, 1971, an Achta um Chaomhnú Áras an Teaghlaigh, 1976, an Achta um an Dlí Teaghlaigh (Cothabháil Céilí agus Leanaí), 1976, Acht na gCúirteanna, 1981, an Achta um an Dlí Teaghlaigh, 1981, an Achta um Stádas Leanaí, 1987, an Achta um Idirscaradh Breithiúnach agus Athchóiriú an Dlí Teaghlaigh, 1989, an Achta um Chúram Leanaí, 1991, an Achta um Fhuadach Leanaí agus Forghníomhú Orduithe Coimeádta, 1991, an Achta Cothabhála, 1994, an Achta um an Dlí Teaghlaigh, 1995, an Achta um an Dlí Teaghlaigh (Colscaradh), 1996, an Achta um Dhlínse Cúirteanna agus Forghníomhú Breithiúnas, 1998, an Achta um Chosaint Leanaí (Coinbhinsiún na Háige), 2000, Acht na gCúirteanna agus na nOifigeach Cúirte, 1995, Acht na gCúirteanna (Uimh. 2), 1997, Acht na gCúirteanna agus na nOifigeach Cúirte, 2002, an Achta um Chlárú Sibhialta, 2004, an Achta Comhdhlúite Leasa Shóisialaigh, 2005, an Achta um Athchóiriú an Dlí Talún agus Tíolactha, 2009, an Achta um Páirtnéireacht Shibhialta agus um Chearta agus Oibleagáidí Áirithe de chuid Comhchónaitheoirí, 2010, an Achta Uchtála, 2010, Rialacháin na gComhphobal Eorpach (Cothabháil), 2011 (I.R. Uimh. 274 de 2011), an Achta um Leanaí agus Cóngais Teaghlaigh, 2015, an Achta um Inscne a Aithint, 2015, an Achta um Fhoréigean Baile, 2018, Rialacháin an Aontais Eorpaigh (Coinbhinsiún na Háige um Chothabháil), 2019 (I.R. Uimh. 594 de 2019), Rialacháin na gComhphobal Eorpach (Breitheanna in Ábhair a bhaineann le Pósadh agus in Ábhair a bhaineann le Freagracht Tuismitheora agus le Fuadach Idirnáisiúnta Leanaí), 2022 (I.R. Uimh. 400 de 2022) agus achtacháin áirithe eile; do dhéanamh socrú maidir le páirtithe in imeachtaí dlí teaghlaigh a chosaint; do dhéanamh socrú maidir le hachtacháin áirithe a aisghairm; agus do dhéanamh socrú i dtaobh nithe gaolmhara.

Nuashonraithe go deireanach: 2 Feabh 2024

Urraithe ag: Minister for Justice

Foinse: Government

Teach Tionscnaimh: Seanad Éireann