An bhfuil tú ag foghlaim nó ag teagasc faoi Pharlaimint na hÉireann? Gheobhaidh tú ár gcuid acmhainní oideachais uile anseo.
Aimsigh acmhainní oideachais
- Ag foghlaim faoin Oireachtas
-
Más ag foghlaim faoi Thithe an Oireachtais atá tú, bain triail as ár gcuid físturas.
- Scoláirí OSSP
-
Má tá tú i mbun staidéir ar OSSP (Oideachas Saoránach Sóisialta Polaitiúil) an Teastais Shóisearaigh, féach ar na físeáin OSSP dár gcuid.
- Múinteoirí OSSP
-
Má mhúineann tú OSSP (Oideachas Saoránach Sóisialta Polaitiúil) an Teastais Shóisearaigh, breathnaigh ar ár gcuid pleananna ceachta.
- Ranganna na Polaitíochta agus na Sochaí don Ardteistiméireacht
-
Má tá tú ag tabhairt faoin gcúrsa nua Ardteistiméireachta, an Pholaitíocht agus an tSochaí, foghlaim faoi chlár na n-eispéireas beo dár gcuid.
An tAontas Eorpach
Plean ceachta: Lá na hEorpa
Ba é Dé Céadaoin, an 9 Bealtaine Lá na hEorpa. Bain úsáid as an bplean ceachta agus an taispeántas sleamhnán chun an méid seo a leanas a theagasc do scoláirí OSSP an Teastais Shóisearaigh: bunús an Aontais Eorpaigh; an chaoi ar athraigh sé le himeacht aimsire; agus an tionchar a bhíonn aige ar shaol laethúil a shaoránach.
Rang na polaitíochta agus na sochaí ó Choláiste Pobail Chaisleán Cnucha ag tabhairt cuairt ar Theach Laighean
An Pholaitíocht agus an tSochaí: Eispéiris Bheo
Tugtar cuireadh do ranganna na Polaitíochta agus na Sochaí don Ardteistiméireacht a bheith páirteach in dhá eispéireas bheo: cuairt ar Theach Laighean nó físchomhdháil "Ceann go Ceann" le Ceann Comhairle Dháil Éireann.
- Áireofar leis an gcuairt ar Theach Laighean turas ar Sheomra na Dála agus ar Sheomra an tSeanaid. Reáchtálfaidh na scoláirí a ndíospóireacht féin ina dhiaidh sin i gceann de na seomraí Coiste. Is gnách go ndéantar plé ar cheann de na ceithre theideal a leagtar síos faoi choinne an tionscadail saoránachta. Corruair buaileann Teachtaí Dála ó dháilcheantair na scoileanna isteach le haghaidh comhrá.
- Maidir leis an bhfíschomhdháil "Ceann go Ceann", beidh deis ag na scoláirí agus ag na múinteoirí labhairt go díreach leis an gCeann Comhairle, Seán Ó Fearghaíl, agus a gcuid ceisteanna uile a chur air faoi pholaitíocht na hÉireann agus faoin Oireachtas.
Portrait of women TDs and Senators by Noel Murphy
Plean ceachta: Lá Idirnáisiúnta na mBan
Déantar plé sa phlean ceachta seo (le haghaidh scoláirí OSSP an Teastais Shóisearaigh) ar mhná i bpolaitíocht pharlaiminteach na hÉireann agus ar an difreálach pá ar bhonn inscne.
Foilseacháin oideachasúla le déanaí
Déar, 19 Iúil
Vótáil 100 exhibition booklet
Céad, 9 Beal
Europe Day, lesson plan
Céad, 9 Beal
Europe Day, slide show
Aoine, 9 Márta
International Women's Day, slide show
Aoine, 9 Márta
International Women's Day, lesson plan
Teach Laighean
Dáil Éireann
Seanad Éireann
Turas ar Sheanad Éireann
Tabhair turas gearr ar Theach Uachtarach an Oireachtais.
Acmhainní eile
An bhfuil tú ag iarraidh tuilleadh a fhoghlaim faoi na comhlachtaí eile a mbíonn tionchar acu ar an gcaoi a rialaítear Éire? Tá rogha nasc curtha i dtoll a chéile againn chuig eagraíochtaí a mbíonn tionchar acu ar na beartais agus na dlíthe a gcloímid ar fad leo.
Plean ceachta: Bunreacht na hÉireann
Cé na cearta agus freagrachtaí a leagtar síos inár mBunreacht dúinn mar shaoránaigh na hÉireann? Aimsigh an freagra lenár bplean ceachta agus taispeántas sleamhnán.
Pleananna ceachta: Lá sa Dáil agus sa Seanad
Mínítear sna pleananna ceachta seo cad a tharlaíonn i rith gnáthlae sa Dáil agus sa Seanad.
Físeáin OSSP
Más scoláire thú nó múinteoir d’oideachas saoránach, sóisialta, polaitiúil (OSSP) an teastais shóisearaigh, nó más mian leat tuilleadh a fhoghlaim faoinár gcóras parlaiminte agus polaitiúil, féach ar ár sraith físeán. Sin é an bealach tapa agus éasca forbhreathnú a fháil ar an daonlathas parlaiminte in Éirinn.
Sonraí teagmhála
Tithe an Oireachtais
Teach Laighean
Sráid Chill Dara
Baile Átha Cliath 2
D02 XR20
Éire