Acht an Bhainc Ceannais (Creat Cuntasachta Aonair), 2023

Bille dá ngairtear Acht do leasú Acht an Bhainc Cheannais, 1942 chun daoine a chomhlíonann feidhmeanna rialaithe agus cuideachtaí sealbhaíochta áirithe a thabhairt faoi fheidhm an nóis imeachta um smachtbhannaí riaracháin, do dhéanamh socrú maidir le painéal a cheapadh óna bhféadfar ceapacháin a dhéanamh chun críoch breitheanna áirithe, do dhéanamh socrú maidir le hinghlacthacht taifead gnó ag fiosrúchán, do dhéanamh socrú maidir le comhaontuithe um nochtadh, agus do dhéanamh socrú maidir le hiarratas go ndaingneoidh an Ard-Chúirt breith ó fhiosrúchán faoi Chuid IIIC agus breith ó Bhinse Achomhairc Seirbhísí Airgeadais na hÉireann faoi Chuid VIIA den Acht sin; do leasú an Achta um Athchóiriú an Bhainc Ceannais, 2010 chun rialáil agus maoirsiú soláthraithe seirbhíse airgeadais agus daoine a mbeidh feidhmeanna rialaithe agus feidhmeanna rialaithe réamhcheadaitheacha á gcomhlíonadh acu a leathnú trí chaighdeáin ghnó, caighdeáin iompair agus dualgas freagrachta a thabhairt isteach, do dhéanamh socrú maidir le neamhspleáchas daoine a mbeidh imscrúdú á sheoladh acu le linn dóibh a bhfeidhmeanna a chomhlíonadh, do dhéanamh socrú maidir le neamhspleáchas daoine ar chucu a tharmligfear feidhm de chuid an Cheannasaí Rialála Airgeadais, an Bhainc Ceannais nó an Ghobharnóra le linn dóibh a bhfeidhmeanna a chomhlíonadh, do dhéanamh socrú maidir le ceart achomhairc chun Binse Achomhairc Seirbhísí Airgeadais na hÉireann i gcoinne breith ón gCeannasaí Rialála Airgeadais chun fógra fionraí a dhaingniú, d’fhadú na tréimhse a fhéadfaidh an Ard-Chúirt a chur le ré fógra fionraí, agus do dhéanamh socrú maidir le hiarratas go ndaingneoidh an Ard-Chúirt breith ón mBanc Ceannais nó ón nGobharnóir chun fógra toirmisc a eisiúint; do leasú Acht an Bhainc Ceannais (Maoirsiú agus Forfheidhmiú), 2013 chun an chumhacht chun rialacháin a dhéanamh atá ag an mBanc Ceannais a leathnú chun foráil a dhéanamh maidir le socruithe a ghlacfaidh soláthraithe seirbhíse airgeadais i ndáil le leithroinnt freagrachtaí agus comhlíonadh oibleagáidí faoin reachtaíocht a bhaineann le seirbhísí airgeadais; do leasú Rialacháin na gComhphobal Eorpach (Gnóthais le haghaidh Comhinfheistíochta in Urrúis Inaistrithe), 2011 (I.R. Uimh. 352 de 2011); agus do dhéanamh socrú i dtaobh nithe gaolmhara.

Nuashonraithe go deireanach: 9 Márta 2023

Urraithe ag: Minister for Finance;

Foinse: Government

Teach Tionscnaimh: Dáil Éireann