An tAcht um Chúirteanna agus an Dlí Sibhialta (Forálacha Ilghnéitheacha), 2023

Acht do dhéanamh socrú i ndáil le deimhnithe eadóirseachta a dheonú agus deimhnithe náisiúntachta a fhíordheimhniú, agus, chun na gcríoch sin agus chun críoch eile, do leasú Acht Náisiúntachta agus Saoránachta Éireann, 1956; do leasú an Achta um Dhliteanas Sibhialta, 1961 chun a chumasú don Aire Dlí agus Cirt rialacháin a dhéanamh i ndáil le hinnéacs a shonrú ar faoina threoir a dhéanfar méid íocaíochta faoi ordú íocaíochtaí tréimhsiúla a choigeartú gach bliain; do dhéanamh socrú maidir le hoifig cúirte a shainainmniú chun giúróirí a rollú agus a thoghairm, agus, chun na críche sin, do leasú Acht na nGiúiréithe, 1976; do leasú nósanna imeachta áirithe a bhaineann leis an bpróiseas féimheachta, agus, chun na críche sin agus chun críoch gaolmhar, do leasú an Achta Féimheachta, 1988; do leasú an Achta um Dhliteanas Áititheoirí, 1995; do leasú an Achta Inimirce, 1999; do leasú an Achta Inimirce, 2004; do dhéanamh socrú chun cuid de chistí agróirí de chuid na Cúirte Cuarda agus cistí agróirí de chuid na Cúirte Dúiche atá dílsithe do Chuntasóir na gCúirteanna Breithiúnais a dhiúscairt, agus, chun na críche sin agus chun críoch eile, do leasú an Achta um Dhliteanas Sibhialta agus Cúirteanna, 2004; do leasú forálacha áirithe den Acht um Rialáil Seirbhísí Dlí, 2015, lena n-áirítear chun socrú breise a dhéanamh i ndáil leis an tobhach a bheidh le híoc faoin Acht sin agus i ndáil le rolla na n-abhcóidí cleachtacha; do leasú an Achta um Chosaint Idirnáisiúnta, 2015; do dhéanamh socrú chun a chumasú don Choimisiún um Chosaint Sonraí toirmeasc a chur le nochtadh faisnéise rúnda ag daoine a bhíonn ag plé leis i dtaca le feidhmeanna áirithe a chomhlíonadh, iomardú a eisiúint chuig rialaitheoir nó próiseálaí in imthosca áirithe agus do dhéanamh socrú maidir le dlínse a bheith ag an gCúirt Dúiche, i gcomhthráth leis an gCúirt Chuarda agus leis an Ard-Chúirt, chun caingean arna tionscnamh ag ábhar sonraí maidir lena chearta nó lena cearta faoin Rialachán maidir le Cosaint Sonraí a éisteacht agus a chinneadh agus, chun na gcríoch sin agus chun críoch eile, do leasú an Achta um Chosaint Sonraí, 2018; do dhéanamh socrú maidir le comhalta den Choiste um Athbhreithniú ar Ghearáin de chuid Chomhairle na mBreithiúna a ionadú go sealadach agus, chun na críche sin agus chun críoch eile, do leasú an Achta um Chomhairle na mBreithiúna, 2019; do dhéanamh socrú maidir le hoifigí cúirte láraithe a shainainmniú, maidir le gnó oifige cúirte a dhéanfar sna hoifigí sin a shonrú, agus i dtaobh nithe gaolmhara; do dhéanamh socrú maidir le cláir áirithe a chothabháil i bhfoirm leictreonach; do dhéanamh socrú breise i ndáil le Leas-Mháistir don Ard-Chúirt a cheapadh agus i ndáil leis na himthosca ina bhféadfar Máistir na hArd-Chúirte agus cláraitheoir contae a chur as an oifig sin nó ina bhféadfaidh sé nó sí scor ar shlí eile den oifig sin a shealbhú agus, chun na gcríoch sin, do leasú an Achta Oifigigh Cúirte,1926; do dhéanamh socrú maidir leis an tSeirbhís Chúirteanna do cheapadh cláraitheoirí chun na Cúirte Coiriúla Speisialta, agus, chun na críche sin, do leasú an Achta um Chiontaí in Aghaidh an Stáit, 1939; do dhéanamh socrú maidir le cion arb éard é cosc a chur ar shirriam nó cur isteach air nó uirthi, agus, chun na críche sin, do leasú an Achta Oifigeach Cúirte, 1945; agus, chun na gcríoch sin agus chun críoch eile, do leasú an Achta Cúirteanna Breithiúnais, 1936, Acht na gCúirteanna (Forálacha Forlíontacha), 1961, Acht na gCúirteanna, 1964, an Achta um Chúnamh Dlíthiúil Sibhialta, 1995, an Achta um Sheirbhís Chúirteanna, 1998, an Achta um Chearrbhachas agus Crannchuir, 1956, an Achta um Chaomhnóireacht Naíon, 1964, an Achta Comharbais, 1965, an Achta um Chlárú Gníomhas agus Teidil, 2006, an Achta Eadrána, 2010, an Achta um an Dlí Sibhialta agus an Dlí Coiriúil (Forálacha Ilghnéitheacha), 2020 agus Acht an Gharda Síochána (Feidhmeanna agus Limistéir Oibríochta), 2022.

Nuashonraithe go deireanach: 5 Iúil 2023

Urraithe ag: Minister for Justice;

Foinse: Government

Teach Tionscnaimh: Dáil Éireann