An Bille Airgeadais (Rochtain ar Bhonneagar Airgid Thirim a Sholáthar), 2024

Bille dá ngairtear Acht do dhéanamh socrú chun go leanfar de rochtain leordhóthanach agus éifeachtach ar bhonneagar airgid thirim a sholáthar do phearsana aonair agus do FBManna; do dhéanamh socrú maidir le critéir i ndáil le rochtain ar airgead tirim; do dhéanamh socrú maidir le creat chun athruithe sa todhchaí ar rochtain ar bhonneagar airgid thirim a bhainistiú ar mhodh cóir, cothromasach agus trédhearcach agus, chun na críche sin, do dhéanamh socrú maidir leis na critéir i ndáil le rochtain ar airgead tirim a athbhreithniú agus a leasú agus maidir le heasnaimh áitiúla i rochtain ar bhonneagar airgid thirim a shainaithint agus maidir le bearta a bheidh le déanamh chun na heasnaimh sin a leigheas, agus a chinntiú go gcomhlíonfar na critéir i ndáil le rochtain ar airgead tirim; do dhéanamh socrú maidir le heintitis a shainainmniú, is eintitis a gcuirfear oibleagáidí áirithe orthu maidir le heasnaimh áitiúla a leigheas agus maidir lena chinntiú go gcomhlíonfar na critéir i ndáil le rochtain ar airgead tirim; do dhéanamh socrú maidir le faireachán a dhéanamh ar oibleagáidí arna bhforchur ar eintitis shainainmnithe agus maidir le forfheidhmiú na n-oibleagáidí sin; do dhéanamh socrú maidir le Banc Ceannais na hÉireann do bhailiú agus d’fhoilsiú faisnéis áirithe; do dhéanamh socrú maidir le Banc Ceannais na hÉireann do rialáil lucht curtha i ngníomh uathmheaisíní bainc agus soláthraithe airgid thirim faoi bhealach agus, chun na críche sin, do dhéanamh socrú maidir le lucht curtha i ngníomh uathmheaisíní bainc agus soláthraithe airgid thirim faoi bhealach a chlárú; do dhéanamh socrú maidir le formhaoirsiú ar oibritheoirí uathmheaisíní bainc agus ar sholáthraithe airgid thirim faoi bhealach agus maidir le Banc Ceannais na hÉireann d’fhorfheidhmiú chomhlíonadh a n-oibleagáidí faoin Acht seo ag oibritheoirí uathmheaisíní bainc agus ag soláthraithe airgid thirim faoi bhealach; do dhéanamh socrú maidir le comhroinnt faisnéise agus comhar idir Banc Ceannais na hÉireann agus an tÚdarás Slándála Príobháidí; chun na gcríoch sin agus chun críoch eile, do leasú Acht an Bhainc Cheannais, 1942, an Achta um Athchóiriú an Bhainc Ceannais, 2010, Acht an Bhainc Ceannais (Maoirsiú agus Forfheidhmiú), 2013 agus Acht na gCuideachtaí, 2014; agus do dhéanamh socrú i dtaobh nithe gaolmhara.

Nuashonraithe go deireanach: 30 Aib 2025

Urraithe ag: Minister for Finance;

Foinse: Government

Teach Tionscnaimh: Dáil Éireann