An tAcht um Cháilíochtaí agus Dearbhú Cáilíochta (Oideachas agus Oiliúint) (Leasú), 2019

Bille dá ngairtear Acht do leasú agus do leathnú an Achta um Cháilíochtaí agus Dearbhú Cáilíochta (Oideachas agus Oiliúint), 2012; chun na críche sin, do dhéanamh socrú úrnua i ndáil leis an modh ar a bhféadfar stádas dámhachtana, faoi threoir an Chreata Náisiúnta Cáilíochtaí, a bhunú agus, chuige sin, do dhéanamh socrú maidir le hearnáil comhlachtaí dámhachtana a bhunú, nach mbeidh Údarás na hÉireann um Cháilíochtaí agus Dearbhú Cáilíochta ná daoine áirithe eile ar áireamh ann, ar a dtabharfar “comhlachtaí dámhachtana liostaithe”; do dhéanamh socrú, mar réamhchoinníoll i ndáil le soláthraithe a thagann faoi réim earnáil áirithe (nó soláthraíthe beartaitheacha den sórt sin) d’agairt fhorálacha an Achta sin, maidir le ceanglas gur gá critéir a chomhlíonadh, is critéir a shonrófar i rialacháin a dhéanfaidh an tAire Oideachais agus Scileanna, lena n-áirítear critéir chun dearbhú réasúnach a thabhairt don Údarás a luadh anseo roimhe seo go bhfuil an acmhainn agus an cumas ag soláthraí a luadh anseo roimhe seo chun cláir oideachais agus oiliúna a sholáthar I gcomhréir le ceanglais an Achta sin; do dhéanamh socrú maidir le ciste a bhunú ar a dtabharfar “An Ciste um Fhoghlaimeoirí Rollaithe a Chosaint”, ar gá do sholáthraithe áirithe muirear bliantúil a íoc isteach ann agus as a bhféadfar, i gcás mainneachtain maidir le cláir áirithe a sheachadadh, airgead a íoc d’fhonn a chumasú d’fhoghlaimeoirí rollaithe an clár lena mbaineann a chríochnú nó d’fhonn é a úsáid chun críoch áirithe eile; do dhéanamh socrú breise maidir le húdarú chun an marc oideachais idirnáisiúnta a úsáid; do chur leis na cásanna ina bhféadfar soláthraí a údarú chun “ollscoil” a thabhairt de thuairisc air féin agus, chun na críche sin, do leasú Acht na nOllscoileanna, 1997; agus do dhéanamh socrú i dtaobh nithe gaolmhara.

Nuashonraithe go deireanach: 23 Iúil 2019

Urraithe ag: Minister for Education and Skills

Foinse: Government

Teach Tionscnaimh: Seanad Éireann