An tAcht um Tharraingt Siar na Ríochta Aontaithe as an Aontas Eorpach (Forálacha Iarmhartacha), 2019

Bille dá ngairtear Acht do dhéanamh socrú maidir le nithe áirithe de dhroim tharraingt siar na Ríochta Aontaithe as comhaltas den Aontas Eorpach, agus— A. i gcás go dtarlóidh an tarraingt siar sin gan comhaontú idir an Ríocht Aontaithe agus an tAontas Eorpach faoi Airteagal 50 den Chonradh ar an Aontas Eorpach lena leagfar amach na socruithe le haghaidh tarraingt siar den sórt sin, do dhéanamh socrú eisceachtúil, ar mhaithe le leas an phobail agus ag féachaint don Chomhlimistéar Taistil idir an Stát agus an Ríocht Aontaithe, chun an fhéidearthacht go dtarlódh suaitheadh tromchúiseach i ngeilleagar an Stáit agus i bhfeidhmiú fónta roinnt margaí, earnálacha agus réimsí sa Stát mar thoradh ar tharraingt siar den sórt sin a laghdú agus chun maolú a dhéanamh, más indéanta sin, ar na héifeachtaí a bheadh ag suaitheadh den sórt sin dá dtarlódh sé in imthosca den sórt sin, agus B. i gcás go dtarlóidh an tarraingt siar sin in imthosca ina mbeidh comhaontú (lena leagfar amach na socruithe le haghaidh tarraingt siar den sórt sin) ann idir an Ríocht Aontaithe agus an tAontas Eorpach faoi Airteagal 50 den Chonradh ar an Aontas Eorpach, d’oiriúnú tagairtí in achtacháin do Bhallstát den Aontas Eorpach chun go bhfolóidh na tagairtí sin tagairtí don Ríocht Aontaithe, nó go leanfaidh siad de thagairtí don Ríocht Aontaithe a fholú, a mhéid is gá chun éifeacht a thabhairt do théarmaí an chomhaontaithe sin, agus, chun na gcríoch sin, do leasú achtacháin áirithe; Agus do leasú an Achta Inimirce, 1999, an Achta Inimirce, 2003 agus an Achta Inimirce, 2004 chun socrú breise a dhéanamh i ndáil le daoine do theacht isteach sa Stát agus a chur as an Stát; Agus do dhéanamh socrú i dtaobh nithe gaolmhara.

Nuashonraithe go deireanach: 17 Márta 2019

Urraithe ag: Minister for Foreign Affairs and Trade

Foinse: Government

Teach Tionscnaimh: Dáil Éireann