An tAcht Fórsaí Cosanta (Fianaise), 2022

Bille dá ngairtear Acht do leasú an dlí chun a údarú samplaí colainne a thógáil le haghaidh tástáil dlí-eolaíochta ó dhaoine míleata a bhfuil drochamhras fúthu i leith cionta áirithe faoin dlí míleata; do dhéanamh socrú maidir le samplaí colainne áirithe a thógáil ó dhaoine míleata nó ó dhaoine eile ar deoin leo go dtógfaí samplaí den sórt sin uathu chun go ndéanfaí imscrúdú ar chionta nó ar eachtraí a bhféadfaidh sé go raibh déanamh cionta faoin dlí míleata i gceist leo; do dhéanamh socrú maidir le hEolaíocht Fhóiréinseach Éireann de chuid na Roinne Dlí agus Cirt agus Comhionannais do bhunú agus d’oibriú Córais Bunachair Sonraí DNA (Póilíní Airm); do dhéanamh socrú maidir le críocha an Chórais sin; do dhéanamh socrú maidir le samplaí colainne áirithe a thógáil ó dhaoine a bhfuil drochamhras fúthu i leith cionta áirithe faoin dlí míleata d’fhonn próifílí DNA a iontrálfar sa Chóras Bunachair Sonraí DNA (Póilíní Airm) a ghiniúint i leith na ndaoine sin; do dhéanamh socrú maidir le samplaí colainne áirithe a thógáil ó dhaoine áirithe chun na daoine sin a chur as an áireamh agus, más cuí, a bpróifílí DNA a iontráil sa Chóras Bunachair Sonraí DNA (Póilíní Airm); do dhéanamh socrú maidir le samplaí colainne a thógáil ó dhaoine míleata, nó samplaí a thógáil ó nithe, d’fhonn próifílí DNA a iontrálfar sa Chóras Bunachair Sonraí DNA (Póilíní Airm) a ghiniúint; do dhéanamh socrú maidir le fianaise eile a bhailiú agus a anailísiú; do dhéanamh socrú, in imthosca áirithe, maidir le fianaise agus samplaí arna dtógáil faoin Acht seo a dhíothú agus maidir le haon phróifílí DNA arna nginiúint ó na samplaí sin a dhíothú nó a bhaint den Chóras Bunachair Sonraí DNA (Póilíní Airm); do leasú an Achta Cosanta, 1954, an Achta um Achomhairc Armchúirteanna, 1983 agus an Achta um Cheartas Coiriúil (Fianaise Dlí-Eolaíochta agus Córas Bunachair Sonraí DNA), 2014; agus do dhéanamh socrú i dtaobh nithe gaolmhara.

Nuashonraithe go deireanach: 6 Iúil 2022

Urraithe ag: Minister for Defence

Foinse: Government

Teach Tionscnaimh: Dáil Éireann