An tAcht um Fhíochán Daonna (Trasphlandú, Scrúdú Iarbháis, Scrúdú Anatamaíoch agus Taispeáint Phoiblí), 2024

Bille dá ngairtear Acht do dhéanamh socrú maidir le horgáin agus fíocháin agus cealla ó dhaoine éagtha agus ó dhaoine beo a bhaint, a dheonú agus a úsáid chun iad a thrasphlandú; do dhéanamh socrú maidir le clár i leith orgáin áirithe a bhunú agus a chothabháil trína bhféadfaidh daoine nach mian leo orgáin áirithe a dheonú tar éis bháis agóid a chlárú i gcoinne dheonú na n-orgán sin; do dhéanamh socrú maidir le painéal daoine a bhunú chun formhaoirsiú a dhéanamh ar dheonuithe beartaithe áirithe i leith daoine áirithe; do dhéanamh socrú maidir le scrúduithe iarbháis a dhéanamh i suímh ospidéil agus maidir leis an ngníomhaíocht sin a rialáil; do dhéanamh socrú maidir le daoine beo do dheonú a gcorp tar éis bháis chun go ndéanfar scrúdú anatamaíoch orthu nó chun iad a chur ar taispeáint phoiblí; do dhéanamh socrú maidir le córas ceadúnúcháin a bhunú i leith daoine a mbeidh scrúduithe anatamaíocha nó gníomhaíochtaí a bhaineann le taispeáint phoiblí á ngabháil de láimh acu; do dhéanamh socrú go mbeidh toiliú ina réamhriachtanas le haghaidh na ngnáthamh go léir lena ngabhann orgáin agus fíocháin agus cealla daonna agus le haghaidh gnáthaimh a bhaineann le scrúduithe anatamaíocha nó gníomhaíochtaí maidir le taispeáint phoiblí a sheoladh; do dhéanamh socrú maidir le sláine coirp daoine a chosaint roimh bhás agus tar éis bháis; do dhéanamh socrú maidir le faireachán a dhéanamh ar chomhlíonadh na nithe sin agus nithe eile, agus maidir le forfheidhmiú chomhlíonadh na nithe sin agus nithe eile; agus, chun na gcríoch sin agus chun críoch eile, do leasú Acht na Lia-Chleachtóirí, 2007, an Achta Cróinéirí, 1962, Rialacháin na gComhphobal Eorpach (Cáilíocht agus Sábháilteacht Fíochán agus Ceall Daonna), 2006, Rialacháin an Aontais Eorpaigh (Cáilíocht agus Sábháilteacht Orgán Daonna atá beartaithe lena dTrasphlandú), 2012 agus achtacháin áirithe eile; d’aisghairm an Anatomy Act, 1832; agus do dhéanamh socrú i dtaobh nithe gaolmhara.

Nuashonraithe go deireanach: 28 Feabh 2024

Urraithe ag: Minister for Health

Foinse: Government

Teach Tionscnaimh: Dáil Éireann