An tAcht Sláinte (Atáirgeadh Daonna Cuidithe), 2024

Bille dá ngairtear Acht chun soláthar aon chóireála nó aon ghnáthaimh a rialáil, lena n-áirítear cibé cóireáil nó gnáthamh chun críoch máthairionadaíochta laistigh nó, i ndáil le daoine áirithe atá bainteach leis an Stát, lasmuigh den Stát, lena ngabhann gaiméití, suthanna nó fíocháin, nó aon teaglaim díobh sin, a láimhseáil d’fhonn toircheas a bhunú, nó d’fhonn an fhéidearthacht go mbunófaí toircheas a chaomhnú, (ar a dtabharfar “cóireáil ADC”) agus, chuige sin, do thoirmeasc ar dhuine cóireáil ADC a sholáthar, laistigh den Stát, mura sealbhaíonn an duine ceadúnas, arna dheonú ag comhlacht arna bhunú leis an Acht seo, ar a dtabharfar “An tÚdarás Rialála um Atáirgeadh Daonna Cuidithe” (dá ngairtear freisin “ÚRADC” san Acht seo) nó, sa Bhéarla, the “Assisted Human Reproduction Regulatory Authority”, lena n-údaraítear don duine an chóireáil ADC lena mbaineann a sholáthar; do rialáil taighde lena ngabhann suthanna, gaschealla suthacha nó gaschill-línte a dhíorthú, a bhailiú, a stóráil nó a úsáid nó gaschealla nó gaschill-línte ilchumasacha spreagtha a dhíorthú, a bhailiú, a stóráil nó a úsáid (ar a dtabharfar “taighde GS” le chéile), agus, chuige sin, do thoirmeasc ar dhuine taighde GS a ghabháil de láimh mura sealbhaíonn an duine ceadúnas, arna dheonú ag ÚRADC, lena n-údaraítear don duine an taighde GS lena mbaineann a ghabháil de láimh; do thabhairt cearta áirithe do dhuine a bheirtear mar thoradh ar chóireáil ADC chun rochtain a fháil ar fhaisnéis a bhaineann lena bhunadh nó lena bunadh; do dhéanamh socrú maidir le scéim rialála chuimsitheach (lena n-áirítear ceadúnais arna ndeonú faoin Acht seo a fhionraí nó a chúlghairm agus, inter alia, smachtbhannaí airgid a fhorchur ar shealbhóirí ceadúnas nó ar iarshealbhóirí áirithe ceadúnas) a ndéanfaidh ÚRADC formhaoirsiú uirthi; do dhéanamh socrú maidir le leasuithe iarmhartacha agus leasuithe eile ar achtacháin eile; agus do dhéanamh socrú i dtaobh nithe gaolmhara.

Nuashonraithe go deireanach: 2 Iúil 2024

Urraithe ag: Minister for Health;

Foinse: Government

Teach Tionscnaimh: Dáil Éireann