An tAcht fá Choimisiún um Cheapacháin Bhreithiúnacha, 2023

Bille dá ngairtear Acht do bhunú comhlacht ar a dtabharfar An Coimisiún um Cheapacháin Bhreithiúnacha nó, sa Bhéarla, the Judicial Appointments Commission; do dhéanamh socrú maidir le hiarratais a dhéanamh chuig an gCoimisiún sin maidir le moladh i leith ceapacháin, nó maidir le hainmniúchán i leith ceapacháin nó toghadh, chuig oifig bhreithiúnach sa Stát nó lasmuigh den Stát; do leasú agus do leathnú na gceanglas cáilíochta agus incháilitheachta le haghaidh ceapachán chuig oifig bhreithiúnach; do dhéanamh socrú maidir leis an gCoimisiún d’fhoilsiú ráiteas um nósanna imeachta roghnúcháin a chuirfear i bhfeidhm le linn breithniú a dhéanamh ar iarratais agus ráiteas maidir leis an eolas, na scileanna agus na tréithe is gá a bheith ag iarratasóirí a mbeidh moladh den sórt sin á lorg acu; do dhéanamh socrú maidir leis an gCoimisiún do dhéanamh moltaí i leith ceapachán nó ainmniúchán den sórt sin a bheith ar bhonn fiúntais; do dhéanamh socrú maidir leis na nithe réamhluaite, ag féachaint don mholadh ón nGrúpa Stát in aghaidh an Éillithe (GRECO) de chuid Chomhairle na hEorpa go ndíreofar go trédhearcach, leis an gcóras chun breithiúna a roghnú, a mholadh agus arduithe céime a thabhairt dóibh, ar cheapacháin do na hiarrthóirí is cáilithe agus is oiriúnaí, agus ag féachaint do Mholadh CM/Rec(2010)12 ó Choiste na nAirí chuig na ballstáit maidir le breithiúna: neamhspleáchas, éifeachtúlacht agus freagrachtaí arna Ghlacadh ag Coiste na nAirí an 17 Samhain 2010, faoi théarmaí Airteagal 15.b de Reacht Chomhairle na hEorpa; do dhéanamh socrú chun Oifig an Choimisiúin um Cheapacháin Bhreithiúnacha a bhunú; do dhíscaoileadh an Bhoird Chomhairligh um Cheapacháin Bhreithiúnacha; do dhéanamh socrú maidir le léirithe spéise arna ndéanamh ag breithiúna incháilithe chuig Uachtarán na cúirte lena mbaineann maidir le sannadh do dhúiche cúirte dúiche nó do chuaird áirithe; do dhéanamh socrú maidir leis an tSeirbhís Chúirteanna do mhaoiniú an Choimisiúin agus Chomhairle na mBreithiúna; agus, chun na gcríoch sin agus chun críocha eile, do leasú nó d’aisghairm forálacha áirithe den Acht Cúirteanna Breithiúnais, 1936, d’Acht na gCúirteanna (Forálacha Forlíontacha), 1961, d’Acht na gCúirteanna, 1973, d’Acht na gCúirteanna, 1977, d’Acht na gCúirteanna agus na nOifigeach Cúirte, 1995, den Acht um Chaighdeáin in Oifigí Poiblí, 2001 agus den Acht um Chomhairle na mBreithiúna, 2019; agus do dhéanamh socrú i dtaobh nithe gaolmhara.

Nuashonraithe go deireanach: 8 Noll 2023

Urraithe ag: Minister for Justice;

Foinse: Government

Teach Tionscnaimh: Dáil Éireann