An Bille um Chreidmheas d’Fheirmeacha Lagaithe, 2022

Bille dá ngairtear Acht do dhéanamh socrú maidir le prótacal sui generis bainistithe fiachais le haghaidh na hearnála feirmeoireachta agus do dhéanamh socrú— A. maidir le tailte atá faoi mhuirear fiachas feirme a aisíoc a dhí-chomhshuimiú ina dhá ndáileacht, na “Tailte Feirme” agus an “Teach Feirme”, B. go ndéanfar fiachas a bheidh urraithe ar an dáileacht a bheidh sainainmnithe mar an teach feirme a rialú leis an reachtaíocht, leis an dlí ginearálta agus leis na cóid iompair rialála a bhaineann le príomháit chónaithe féichiúnaí, agus chun staid speisialta aon chomhúinéara de chuid an tí feirme sin a chur i gcuntas, C. maidir le ról agus rialáil glacadóirí mar sheirbhíseoirí creidmheasa agus mar ghníomhairí de chuid an fhéichiúnaí, D. go ndéanfar sealbhú agus díol na dtailte feirme ag an gcreidiúnaí urraithe a iarchur go dtí tar éis moratóra chun deis a thabhairt don fhéichiúnaí agus chun go mbeidh an t-am aige nó aici chun gabháil do thogra a ullmhú le haghaidh “Comhshocraíocht Socraíochta Fiachais Feirme”, E. maidir le tuilleadh forálacha is iomchuí i ndáil le fiachas feirme a urscaoileadh go luath, de réir chur chuige Threoir (AE) 2019/1023, F. go ndéanfar na bearta sin a mhúnlú de réir na bhforálacha maidir le scrúdaitheoireachtaí cuideachtaí in Acht na gCuideachtaí (Leasú), 1990, maidir le moratóir agus le nithe eile, ach go léireofar freisin sna bearta sin na forálacha sna hAchtanna um Dhócmhainneacht Phearsanta, 2012 go 2015, maidir le rogha na Cúirte togra le haghaidh Comhshocraíocht Socraíochta Fiachais Feirme a fhorfheidhmiú i gcoinne creidiúnaithe, is togra lena modhnaítear téarmaí na hiasachta urraithe, ach a chomhlíonann alt 71(1)(d)(i) agus alt 115A(9)(e) agus (f) de na hAchtanna sin i dtaobh cothroime do gach aicme creidiúnaithe, agus a thugann deis don fheirmeoir tosú as an nua i gcomhair feirm ag a bhfuil inmharthanacht leanúnach, G. maidir le bearta chun rochtain a thabhairt ar leachtaíocht trasteorann le haghaidh dara morgáistí ar chostas inchothaithe, agus H. maidir leis an rogha tailte a bhfuil rófhéichiúnas orthu a chur faoi úinéireacht an Stáit athuair ar mhaithe leis an bhfineachas, leis an tslándáil bia agus leis an gclár um an athrú aeráide.

Nuashonraithe go deireanach: 8 Samh 2024

Urraithe ag: Mattie McGrath; Michael Healy-Rae; Carol Nolan; Richard O'Donoghue; Danny Healy-Rae; Michael Collins;

Foinse: Private Member

Teach Tionscnaimh: Dáil Éireann