An tAcht um Leasúchán ar Theaghaisí a nDearnadh Damáiste Dóibh mar gheall ar Úsáid Bloc Coincréite Lochtach, 2022

Bille dá ngairtear Acht do dhéanamh socrú maidir le deontais a íoc chun leasúchán a dhéanamh ar theaghaisí áirithe a ndearnadh damáiste dóibh mar gheall ar an úsáid a baineadh as bloic choincréite lochtacha chun iad a fhoirgniú; do shainainmniú údaráis áitiúla a bhfuil na teaghaisí dá ndéantar difear suite iontu; do dhéanamh socrú maidir le méid na ndeontas, le haghaidh leasúcháin, cóiríocht ionadúil, stóráil agus deisiúcháin láithreacha, a fhéadfar a íoc agus maidir leis na méideanna sin a athrú le hordú Rialtais; do dhéanamh socrú maidir le nósanna imeachta chun iarratas a dhéanamh chuig údarás áitiúil sainainmnithe ar dheontas agus maidir leis an nGníomhaireacht Tithíochta do chinneadh an iarratais; do dhéanamh socrú maidir le teorainneacha ama agus coinníollacha a bheidh le cur ag gabháil le deontais; do dhéanamh socrú maidir le dara deontais áirithe; do dhéanamh socrú chun go n-aisíocfar cúiteamh arna fháil ó thríú páirtithe ag úinéirí teaghaisí dá ndéantar difear; do dhéanamh socrú maidir le deontais a ghnóthú in imthosca áirithe; do dhéanamh socrú maidir le horduithe muirir le aghaidh deontais áirithe agus maidir lena scaoileadh; do dhéanamh socrú maidir le scéim dá chumasú leasúchán a dhéanamh ar theaghaisí atá ar úinéireacht ag údaráis áitiúla shainainmnithe agus ag comhlachtaí tithíochta ceadaithe; do dhéanamh socrú maidir le Painéal Achomharc agus Bord Achomhairc agus maidir le nósanna imeachta le haghaidh achomharc; do dhéanamh socrú maidir le hoifigigh údaraithe; do dhéanamh socrú maidir leis na Rialacháin um Theaghaisí a nDearnadh Damáiste Dóibh mar gheall ar an Úsáid a Baineadh as Bloic Choincréite Lochtacha chun iad a Fhoirgniú (Leasúchán) (Cúnamh Airgeadais), 2020 a chúlghairm agus maidir le socruithe idirthréimhseacha riachtanacha; agus do dhéanamh socrú i dtaobh nithe gaolmhara.

Nuashonraithe go deireanach: 28 Noll 2022

Urraithe ag: Minister for Housing, Local Government and Heritage

Foinse: Government

Teach Tionscnaimh: Dáil Éireann