An tAcht um Póilíneacht, Slándáil agus Sábháilteacht Pobail, 2024

Bille dá ngairtear Acht do dhéanamh socrú breise agus feabhsaithe i ndáil leis an nGarda Síochána agus, go háirithe, do neartú rialachas an Gharda Síochána agus do dhéanamh socrú maidir le formhaoirsiú soiléir éifeachtach ar an nGarda Síochána agus maidir le cuntasacht an Gharda Síochána a bheith soiléir éifeachtach; do dhéanamh socrú go mbeidh Bord ag an nGarda Síochána ar a dtabharfar Bord an Gharda Síochána nó, sa Bhéarla, the Board of An Garda Síochána agus do dhéanamh socrú maidir lena fheidhmeanna; do dhéanamh socrú maidir le neamhspleáchas Choimisinéir an Gharda i ndáil le comhlíonadh a fheidhmeanna nó a feidhmeanna; do dhéanamh socrú maidir le comhaltaí den Gharda Síochána agus comhaltaí foirne garda a cheapadh; d’fheabhsú sábháilteacht pobal, agus d’fheabhsú na tuisceana ar an tsábháilteacht i bpobail, trí chomhar idir Ranna Stáit agus comhlachtaí seirbhíse poiblí iomchuí ar leibhéal náisiúnta agus áitiúil agus do dhéanamh socrú maidir le páirteachas pobail ó thaobh coireacht agus dochar a chosc agus, chun na críche sin, do dhéanamh socrú maidir le comhlacht a bhunú ar a dtabharfar an Grúpa Stiúrtha Náisiúnta um Shábháilteacht Pobail nó, sa Bhéarla, the National Community Safety Steering Group agus do dhéanamh socrú maidir lena fheidhmeanna; do dhéanamh socrú maidir le comhlacht a bhunú ar a dtabharfar an Oifig Náisiúnta um Shábháilteacht Pobail nó, sa Bhéarla, the National Office for Community Safety agus do dhéanamh socrú maidir lena feidhmeanna; do dhéanamh socrú maidir le comhpháirtíochtaí sábháilteachta pobail áitiúla; do dhéanamh socrú maidir le comhlacht a bhunú ar a dtabharfar an tÚdarás Póilíneachta agus Sábháilteachta Pobail nó, sa Bhéarla, the Policing and Community Safety Authority agus do dhéanamh socrú maidir lena fheidhmeanna; do dhéanamh socrú maidir le hainm an chomhlachta ar a dtugtar Coimisiún Ombudsman an Gharda Síochána nó, sa Bhéarla, the Garda Síochána Ombudsman Commission, a athrú ionas go ndéanfar Oifig an Ombudsman Póilíneachta nó, sa Bhéarla, the Office of the Police Ombudsman a thabhairt air agus do leasú agus do leathnú fheidhmeanna an chomhlachta sin; do dhéanamh socrú maidir leis an Ombudsman Póilíneachta agus an Leas-Ombudsman Póilíneachta nó, sa Bhéarla, the Police Ombudsman agus the Deputy Police Ombudsman, faoi seach, a cheapadh; do dhéanamh socrú maidir le comhlacht a bhunú ar a dtabharfar oifig an Scrúdaitheora Neamhspleách um Reachtaíocht Slándála nó, sa Bhéarla, the office of Independent Examiner of Security Legislation agus do dhéanamh socrú maidir lena feidhmeanna; do dhéanamh socrú maidir le duine a cheapadh mar an Scrúdaitheoir Neamhspleách um Reachtaíocht Slándála nó, sa Bhéarla, the Independent Examiner of Security Legislation; do dhéanamh socrú maidir le hAcht an Gharda Síochána, 2005 a aisghairm; do leasú achtacháin áirithe; agus do dhéanamh socrú i dtaobh nithe gaolmhara.

Nuashonraithe go deireanach: 7 Feabh 2024

Urraithe ag: Minister for Justice

Foinse: Government

Teach Tionscnaimh: Dáil Éireann