An tAcht Rialtais Áitiúil (Méara Luimnigh) agus Forálacha Ilghnéitheacha, 2024

Bille dá ngairtear Acht do dhéanamh socrú maidir le hoifig méara do limistéar riaracháin Chomhairle Cathrach agus Contae Luimnigh a bhunú agus maidir le duine a thoghadh chun na hoifige sin; do dhéanamh socrú maidir le feidhmeanna áirithe a thabhairt don mhéara sin; do dhéanamh socrú maidir le hathruithe struchtúracha coimhdeacha i dtaca le Comhairle Cathrach agus Contae Luimnigh do rialú an limistéir riaracháin sin; do dhéanamh socrú maidir le pobalbhreitheanna a ghlacadh i dtaobh socrú a dhéanamh maidir le hoifigí méaraí do na limistéir riaracháin arb i ndáil leo a ghlacfar na pobalbhreitheanna sin a chruthú agus maidir le toghthóirí na limistéar riaracháin sin do thoghadh daoine chun na n-oifigí sin; chun na gcríoch sin, do leasú an Achta Toghcháin, 1992, an Achta Toghcháin, 1997, an Achta um Thruailliú ó Bhruscar, 1997, an Achta Toghcháin (Leasú), 2004, an Achta Toghcháin (Leasú), 2006 agus an Achta um Athchóiriú Toghcháin, 2022, do dhéanamh an tAcht Rialtais Áitiúil, 2001 a chur chun feidhme, fara modhnuithe, agus a leasú, agus d’aisghairm Chuid 6 den Acht Rialtais Áitiúil, 2019; do leathnú na n-imthosca ina bhféadfaidh duine iarratas a dhéanamh ar shocrú ceannaigh teaghaise inacmhainne faoin Acht um Thithíocht Inacmhainne, 2021 agus, chun na críche sin, do leasú an Achta sin; do dhéanamh socrú maidir le comhchomhairle leis an tSeirbhís um Cheapacháin Phoiblí sula ndéanfar dearbhú faoin Acht Rialtais Áitiúil, 2001 i ndáil le cáilíochtaí i leith poist áirithe san earnáil rialtais áitiúil agus, chun na críche sin, do leasú an Achta sin tuilleadh; agus do dhéanamh socrú i dtaobh nithe a bhaineann leis an méid sin.

Nuashonraithe go deireanach: 6 Márta 2024

Urraithe ag: Minister for Housing, Local Government and Heritage

Foinse: Government

Teach Tionscnaimh: Dáil Éireann