An Coiste um Bás Cuidithe

Má chuireann na ceisteanna a luaigh an Coiste seo isteach ort, féadfaidh tú glaoch a chur ar na Samáraigh ar 116 123 nó breathnú ar shuíomh gréasáin na Samárach chun sonraí a fháil faoin mbrainse is gaire duit.

Iriseoirí: Má tá ceist féinmharaithe á clúdach agat, iarrtar ort cloí le treoirlínte na Samárach maidir leis na meáin i dtaobh féinmharú a thuairisciú, siocair go bhféadfadh iarmhairtí díobhálacha eascairt as tuairisciú mífhreagrach.

Molann an Coiste reachtaíocht a thabhairt isteach, is reachtaíocht lena gceadaítear bás cuidithe in imthosca srianta áirithe. Ina theannta sin, moltar cion coiriúil a chur i leith duine mura gcomhlíonann sé nó sí na ceanglais reachtúla ábhartha lena rialaítear bás cuidithe.

Molann an Coiste freisin go gcuirfí an oiliúint is fearr is féidir ar dhochtúirí agus ar oibrithe cúraim sláinte a mbeidh baint acu le soláthar báis chuidithe le go mbeidh siad ábalta comhéigean a aithint tráth measúnú a dhéanamh ar othar nó tráth cóireáil a chur ar othar.