Tairgim:—
Go ndeontar suim ná raghaidh thar £1,019,987 chun slánuithe na suime is gá chun íoctha an Mhuirir a thiocfaidh chun bheith iuíoctha i rith na bliana dar críoch an 31adh lá de Mhárta, 1937, chun costais an Airm augs Chúltaca an Airm (maraon le Deontaisí áirithe i gCabhair) fé sna hAchtanna Fórsaí Cosanta (Forálacha Sealadacha); chun costaisí airithe riaracháin ina thaobh san; agus chun costaisí fén Acht Bunreachta (Leasú Uimh. 17), 1931.
That a sum not exceeding £1,019,987 be granted to complete the sum necessary to defray the Charge which will come in course of payment during the year ending on the 31st day of March, 1937, for the cost of the Army and the Army Reserve (including certain Grants-in-Aid) under the Defence Forces (Temporary Provisions) Acts; certain administrative expenses in connection therewith and expenses under the Constitution (Amendment No. 17) Act, 1931.
'Siad seo leanas go comair na h-iomláin de ghach líon an Airm dá bhfuil soláthar déanta i Meastacháin na bliana míe naoi gcéad a sé triochadseacht triochad (1936-37):—
An Buan-Arm—Cúig mhíle, naoi gcéad, a haon is triocha (5,931) céimnigh agus seirbhísí uile.
Cúltacaí—Cúig mhíle, ocht gcéad a trí nóchad (5,893) céimnigh uile.
Fórsa na n-Oglach—Ocht míle déag is cúig chéad (18,500) céimnigh uile.
Féadaim a rádh go bhfuil líon an Bhuan-Airm, cúig mhíle, naoi gcéad, a haon is triocha (5,931), céimnigh agus seirbhísí uile, ar aon leibhéal leis an uimhir a bhí againn le roinnt bhliadhan anuas. Tá sé roinnte mar leanas:—
Cúig chéad, agus sé Oifigigh ochtód (586).
Míle, ceithre chéad, agus naoi n-Oi fi g i g h Nea-Choimisiúnta fichead (1429).
Trí mhíle, ocht gcéad naoi saighdiúirí seasead (3,869).
Dalta is fiche (21).
Seacht mBanaltraí déag (17).
Naonbhar Séiplíneach (9).
Ní miste a rádh ná gur ar an bhFórsa seo a bheidh seasamh na tíre i dtosach agus i ndeireadh báire, mar, i n-am síothchána, cuireann sé an có-ghléas tréineála ar fáil dos na fórsaí eile, agus dá n-éirigheadh géir-chéim náisiúnta, caithfí láithreacha troda do dhéanamh de ar a dtiocfadh na fórsaí eile i gceann a chéile. Dá bhrígh sin, is cuibhe cúpla focal do rádh anois i dtaobh na néithe is gádh do'n fhórsa so agus ar an bpolasaí atá ceaptha againn 'na chóir. Tá teorannta leis an mBuan-Arm i n-uimhreacha agus i n-ádhbhar de dheascaibh aon ní amháin do-sháruighthe, mar atá, ceist an chostais, ach laistigh de'n mhéid atá ar fáil, tá sé 'na pholasaí shocruighthe againn an cháilíocht is i bhfearas do dúinn i bhfearaibh is i bhfearas do bhaint amach.
Maidir le saighdiúirí, is árd an caighdeán cuirp atá againn chun liostála, agus taisbeánann rátaí isle na mortlaíochta agus na h-aicíde go bhfuil scoth ógánach na tíre ar ár gcead againn. Ach i leith ádhbhair chogaidh, tá a mhalairt de chrot ar an scéal. Ins an lá atá indiu ann, teastuigheann ó Arm, fearas, meicniú, iompar agus cúltaiscí cogaidh de ghach saghas agus de dhéanmhas reatha. Agus ba dhíchéillidhe an rud é, bheith ag leigint orainn féin nach bhfuil na neithe réamhráidhte i n-easnamh ar Arm na tíre seo. Ní féidir na h-easnaimh seo do sholáthar i n-aon lá amháin, ach sa mheastachán seo táimíd ag tosnú ar é sin a dhéanamh—rud a mhíneóchaidh, ar an gcuid is mó dhe, an méadú atá ins an meastachán i mbliana i gcomparáid leis an mbliain seo caithte agus na blianta ba dhéidheannaighe roimhe sin. Ar an ádhbhar san, tá gléasadh ár gcathanna le h-inneallghunnaí troma dhá chríochnú againn; táimíd ag tosnú ar iad do ghléasadh le h-inneallghunnaí éadtroma de phatrún a meastar, de bhárr trialacha fadálacha; a bheith ar an saghas armála is eifeachtúla de'n aois seo; táimíd ag ath-mhúnláil na bhfeithicilí troda atá ar lámhaibh againn agus dhá n-athtógáil maraon le h-innill agus le h-armáil nuadeheaptha; táimíd chun othar-chóistí atá i ndeireadh a maitheasa do mhalartú, agus tá mótar-bhotha dhá gcur ar fáil againn, leis, chun gléasanna radíó so-ghluaiste d'iompar; táimíd—de bhárr trialach géire mar adubhradh cheana—ag déanamh athnuachtainte ar fhearas radíó na háerárthachta agus na gcoisithe; agus sa deireadh, tar éis an gnáith-liúntas bliantúil de'n lón lámhaigh do chur i n-áirithe, tá roinnt eile dhá cur ar fáil againn, a rachaidh tamall fada i dtuairim ár lucló eolais, chun an chúltaisce éifeachtach is lugha do bhunú.
Ag iompódh dhúinn anois ó riachtanaisí na gcoisithe go dtí na neithe is gádh do'n Airtléireacht, chífimíd gurab í caindíocht níos mó ná cáilíocht atá i n-easnamh. Is de'n aois seo ár n-armáil —comh fada is a théigheann—agus ár lón lámhaigh, ach níl ár ndóithín díobh againn. Le blianta anuas, cuir i gcás, aontuigheadh gur cheart dhá bhriogáid airtléireachta do bheith againn agus trí batairí ocht bpúnt déag agus bataire amháin de ghunnaí Howitzer (ceathair poinnte cúig), i ngach briogáid díobh san. Ach d'aimhdheoin go raibh sé 'na pholasaí shocruighthe againn an fearas sin do sholáthar, tá curtha siar againn, arís agus arís eile, an dara Bataire Howitzer do cheannach chun gleasadh na dara briogáide do chríochnú. Rud eile, socruigheadh cheana ar an ngádh atá le cúltaiscí ár ndóithín de lón lámhaigh throm, ach ní raibh an cómh-aontú céadna ann i dtaobh na tréimhse aimsire 'na mbunófaí na cúltaiscí sin. Ins an meastachán seo, dá bhrígh sin, tá iarracht dhá déanamh na h-easnaimh sin do shlánú, leis na gunnaí atá riachtanach chun críochnú na dara briogáide de'n Airtléireacht, agus leis na cúltaiscí de'n lón lámhaigh throm atá ar iarraidh, do sholáthar chómh tapaidh agus is féidir é.
Ceist eile a bhí le réidhteach ins an meastachán seo do b'eadh gléasadh an Aer—Chóir. Ceist an-chasta iseadh i mar gheall ar an bhfás teicniciúil gan sos atá i gcomhuidhe ar siubhal i gcómhacht coinnéanmhach agus i gcómhacht toghaileach aer-árthachta na h-aimsire seo. Ní acfuinn dúinn 'nár náisiún mbeag bheith ar chó-chéim leis an bhfás mí-chuibheasach sin, ach ar an dtaobh eile, 'sé is lugha is gádh dhúinn ná gan faillí do thabhairt ann an uair atá cosaint ár dtíre féin dhá ceapadh againn. Níl na meaisíní seo againn-ne as feidhm ar fad, ach ní ghabhann leo, ach an oiread, an dul chun cinn is déidheannaighe atá déanta i bpatrún agus i gcómhacht na h-aerárthachta. Meaisíní iseadh iad a céadcheapadh chun treincála nó chun geárr-eitill amháin. Tá céin ar aghaidh ceapaithe againn i mbliana go soláthróchaimíd dhá mheaisín fhaideiteallacha dhá-inneallacha i dtreo agus go mbeidh an Cór suas agus anuas leis an bhfeabhsúchán teicniciúil is déidheannaighe i n-eoluíocht na h-aerárthachta. O's ag labhairt ar an dtaobh so de'n cheist dom, ní miste a rádh nach bhfuil ar aigne againn na cosanta aer-bhaoil do leigint i ndearmhad. Tá gunnaí aer-bhaoil againn, ach má tá, ní leor linn a bhfearas, agus tá ceaptha againn, mar sin, na gunnaí do ghléasadh le h-aontáin sho-ghluaiste soluis chuardaigh ionnus go mbeidh siad éifeachtach d'oidhche is de ló.
Ag seo agaibh ar fad, na neithe is gádh do'n Bhuan-Arm dá bhfuil soláthar éigin déanta ins an meastachán so. Fé mar atá feicthe cheana, níor bhféidir líon an Bhuan-Airm d'ísliú a thuille gan bheith ag cur isteach ar na dualgaisí a bhíonn aige le cóilíonadh i n-am síothchána. I n-am géir-chéime. chaithfeadh sé tuitim siar ar a chúltaca féin atá có-ghléasta 'na chúig cathanna agus tá an gnáth-sholáthar déanta againn ar an bhforas sin. Foluigheann an soláthar sin líon iomlán de 5,893 Cúig mhíle ocht gcéad a thrí nóchad (céimnigh uile), agus tá sé roinnte mar leanas:—
Oifigigh—dhá chéad a trí is dachad (243).
Cúltaca de'n ghrád A—ceithre mhíle is naoi gcéad (4,900) (Céimnigh eile).
Cúltaca de'n ghrád B.—seacht gcéad is caoga (750).
Ins na figiúirí sin tá slighe ceapaithe ins an gcéad áit d'aistrithe ó'n mBuan-Arm, agus ins an dara h-áit don ghnáth-imtheacht a éirgheann as scur fear a mbíonn a dtéarmaí seirbhíse istigh ó am go ham. An méid adubhradh ar ghléasadh an Bhuan-Airm, baineann an céadna le n-a Chúltaca.
Ach má bhíonn ar an dtír seo coidhche seasamh i gcoinnibh ionnraidh, 'sé fórsa na n-Oglach a bheidh 'na fhíor-chúltaca aici fórsa atá dhá úsáid mar láthair thréineála d'ógánaigh an náisiúin; agus dá bhrígh sin is ceart gach misneach i ngach slighe is féidir do thabhairt dó. 'Sé 18,500 (ocht míle déag is cúig chéad) is líon iomlán d'Fhórsa na n-Oglach dá bhfuil soláthar déanta agus tá sé roinnte mar leanas:
Dhá Chéad (200) Oifigeach.
Míle dhá chéad is ocht n-Oifigigh Nea-Choimisiúnta déag (1,218).
Ocht míle cúig chéad is dhá Oglach ochtód (8,582) den Treas Tosaigh (liostálta cheana).
Cúig mhíle (5,000) Oglach den Treas Tosaigh (le liostáil ar feadh na bliana seo chughainn (1936-37).
Míle cúig chéad (1,500) Oglach den mheán-treas (liostálta cheana).
Míle cúig chéad (1,500) Oglach den
Mheán-Treas (le liostáil ar feadh na bliana seo chughainn—1936-37) (míle naoi gcéad a sé triochad— seacht triochad).
Cúig chéad (500) Oglach den Treas Deiridh.
Maidir le líon láithreach an Fhórsa— timcheall le 10,000(deich míle) céimnigh uile—tá luigheadú beag le tabhairt fe ndeara i gcomparáid leis an tréimhse céadna sa bhliain seo caithte (1935). Is féidir an luigheadhú seo do mhíniú ar dhá shlighe:—San gcéad áit—nidh nách iongnadh—mhaoluigh ar dhíoghrais chuid des na nóibhísigh le déine na tréineála agus an smachta a bhaineann le fórsa míleata; agus san dara h-áit, ní raibh na coinghíollacha seirbhíse mealltach go leor, i dtuairim cuid eile dhíobh, toise an costas pearsanta a ghabhann le freastalacht ar thréineáil agus ar champaí. Go deimbin. níl sé ar ár gcumas an chéad nidh do leigheas acht táimíd tar éis an dara nidh d'infhiúchadh go géar. De bhárr an fhiosrúcháin sin, mhol lucht ceannais an Airm go dtabharfaí aisce mar chostaisí, do ghach óglach ag a mbéadh uimhir áirithe campaí oidhche freastalta, agus ag a mbéadh an cúrsa orduithe den tréineáil bhliantúil críochnuithe. Chun buadha an mholta sin do mheas, ní mór thabhairt chun cuimhne ná coimeádann an gnáthchúltacaire a chuid éadaigh phearsanta ar dí-shlógadh, ach go ndeineann sé é do thabhairt i seilbh don CheathrúMháistir a bhíonn freagrach 'na shlánchoimeád go dtí go slógtar an cúltacaire arís.
Ar an dtaobh eile, coimeádann an t-óglach a chuid éadaigh i dtreo is gur bhféidir dó bheith i láthair i n-éide ar pháráideanna áitiúla, ar chigireachta, ar thréineáil no ar aon fheidhmeanna oifigiúla eile dá mbaineann leis na h-óglaigh agus dá dtionóltar 'na líomatáiste féin. Nuair a thagann óglaigh ar a dtréineáil bliantúil is minie a cítear go mbíonn gádh le baill áirithe a gcuid fearais d'athnuachtaint agus fágann san gur ar an óglagh i gceist a luigheann costas na mball nuadh. Ní théigheann a chuid pháigh i gcóir na gceithre lá dhéag (14) den tréineáil bhliantúil thar phúnt is ocht scillinge (28/-) agus d'fhéadfaí an chuid is mó den airgead sin do chaitheamh ar na baill nuadha. Is minic, de dheascaibh seo a fágtar gan pinginn, ar deireadh na tréineála é, agus dá bhrigh sin, tá lucht ceannais an Airm tar éis chur ós ár gcomhair gur cheart aisce éigin mar aon le n-a chuid pháigh do bhronnadh ár an óglach chun na costaisí réamhráidhte do ghlanadh. Tá déanta againn do réir an mholta sin agus tá dhá mhile fichead, ocht gcéad is ocht bpúint deag (£22,818) ar fáil anois chun an moladh do thabhairt chun críche i rith na bliana airgeadais seo chughainn. Luigheadú éigin ar an méid seo amhthach iseadh an t-ísliú a deineadh ins na deontaisí airgid dos na sluaighte ó seacht is raol (7/6) agus cúig scilling (5/-) an duine go dtí bunráta de dhá scilling (2/-), chun deontaisí liostála agus tréineála, fé seach.
I n-am síochána deintear éifeachtúlacht Airm do mheas ón tslighe 'na gcólíonann sé a ghnáth-dhiúitéthe no aon fheidhmeanna neamh-ghnáthacha dá gcuireann an Rialtas air. I rith na bliana seo caithte ar thrí ócáidí móra taisbeánadh go soiléir don phobal a éifeachtúlacht agus atá an t-Arm. Ba í Stailc Bhóthar-Iompair Atha Cliath i míosa tosaigh na bliana 1935 (míle naoi gcéad a cúig triochad) an chéad ócáid. Ar fhógra ghairid agus gan aon ullmhúchán roimh-ré, glaodhadh ar Chór Iompair an Airm feithiclí dóthanacha do sholáthar agus d'oibriú chun na seirbhísí iompair atá riachtanach do shaol tráchtála Atha Cliath do coinneáil suas. Go ceann dhá mhí nó mar sin, bhí an tseirbhís sin ar fáil ag an gCór gur iomparadh dhá mhilliún, céad agus naoi míle ochtód, sé chéad agus cúig paisnéirí triochad (2,189,635), agus gur taistealadh céad agus ocht míle ceathrachad, sé chéad agus seacht míle slighe caogad (148,657); agus d'aimhdheoin nár deinadh a gcuid laraí ar dtúis chun paisnéirí d'iompar, do chóilíonadar an dualgas sin gan oiread agus díobháil chuirp amháin agus gan ach tionóiscí suaracha dá gcárraí. Ní beag mar theistas ar a gcúirtéiseacht agus a stuamdhacht fé choinghíollacha deacra, a bhfuil ráidhte cheana ins na páipéir nuaidheachta.
Ba é an "Tattoo" a bhí ann i Meán Fóghmhair seo caithte an dara h-ócáid mhór 'na dtugadh caoi don phobal an t-Arm d'fheiscint ag gníomhú. Ní h-aon chuid de ghnáth-fheidhmeanna an Airm na taisbeántaisí seo agus ní ach go h-annamh a cuirtear a leithéidí ar siúbhal mar gheall ar an ndianullmhúchán a ghabhann leo roimh-ré. Gan trácht i n-aon chor ortha mar thóicheastail, nílid gan tairbhe ón dtaobh míleata féin. Taisbeánaid a áilneacht is a bhíonn an dril mhíleata nuair a deintear í le cruinneas rithime agus go bhfíoghruightear patrúin shamhaltánacha tríthe. Tástálann siad oilteacht na saighdiúirí agus cuireann siad 'na luighe ortha an sprid fhoirinne sin ar a mbíonn "morale" Airm bunuithe. Is leor mar fhiadhnaise ar éifeachtúlacht an Airm ar an ócáid sin an líon daoine (105,000) do bhí i láthair ag an Taisbeántas.
Tá sompla eile den sprid fhoirinne chéadna againn san ard-chaighdeán do bhain an Fhoireann Marcaidheachta amach i gComórtaisí léimnighe idirNáisiúnta na bliana seo caithte. Gan trácht i n-aon chor ar na duaiseanna dár ghnóthuigh na h-oifigigh 'na nduine is 'na nduine, d'eirigh leo na bhfoirinn, cuirn chúig náisiún nó a gcoibhéise do bhreith leo i ndiaidh a chéile, ar chúig taisbeántaisí idirnáisiúnta, i Lonndain, i Lucerne, i mBaile Atha Cliath, i Nuadh-Eabhraigh agus i dTorontó. Is iongantach an ghníomhaidheacht í sin—gníomhaidheacht nar bhféidir a bhaint amach gan an có-oibriú beo bríoghmhar agus an tsár-obair fhoirinne ní h-amháin des na h-oifigigh i gceist, ach fós, de gach oifigeach, oifigeach nea-choimisiúnta agus giolla go raibh baint aige le Scoil na Marcaidheachta.