Tairgim go léightear an Bhille den dara huair anois. An tAcht Freastail Scoile do tháinig i bhfeidhm i 1926, ba é ba phríomh-chuspóir dó a chinntiú go dtabharfaí oideachas oireamhnach do pháistí idir 6 bliadhna agus 14 bliadhna d'aois. Acht, le linn an Achta do bheith i bhfeidhm, do fuarthas amach go mba riachtanach feabhsuighthe áirithe do dhéanamh ar an gcóras oibre, ionnas go mbainfí éifeacht iomlán as. Le n-a aghaidh sin atáthar ag tairsgint na bhfeabhsú atá sa mBille seo.
Táthar ag brath an scéal do mhíniú maidir le páistí atá ag fagháil oideachais taobh amuigh de Scoileanna Náisiúnta, nó de scoileanna eile a bhfuil aithint nó deimhniú aca ón Aire. Sa mBille seo, freisin, ta coingheallacha speisialta a thoirmeascfas páistí d'fhostú i modh do chuirfeadh isteach ar a bhfreastal scoile; agus, ina theannta sin, baineann sé le hoideachas páistí lucht siubhail. I n-éifeacht leó sin go léir, tá feabhsuighthe eile a ndéanfaidh mé trácht orra ar ball.
Tuismightheóirí ar bith ag a bhfuil páistí idir 6 bliadhna agus 14 bliadhna d'aois, tá sé d'oibliogóid orra, fá láthair, na páistí sin do chur ag freastal scoile náisiúnta, nó scoil eile oireamhnach ar feadh seal áirithe ama, gach lá dá mbíonn an scoil ar oscailt le haghaidh teagaisc—is é sin muna bhfuil leithscéal réasúnta aca gan a dhéanamh. Má tá páiste ag fagháil bun-oideachais oireamhnaigh i n-áit ar bith taobh amuigh de Scoil Náisiúnta ná scoile eile oireamhnach, féadtar glacadh faoi'n Acht le sin mar leithscéal réasúnta. Acht níl sé mínighthe san Acht cad é an sórt oideachais do bheadh ionghlactha i gcás mar sin; agus, dá gcuirthí dlighe ar an tuismightheóir, do bheadh an míniú ag brath ar an gCúirt Ughdaráis. Táthar ag iarraidh sin d'athrú sa mBille seo. Maidir le páistí atá ag fagháil oideachais taobh amuigh de Scoil Náisiúnta nó scoile eile ag a bhfuil aithint nó deimhniú ón Aire, ní measfar iad do bheith ag fagháil oideachais oireamhnaigh, muna mbidh an t-oideachas sin deimhnighthe ag an Aire—agus, le naghaidh sin, féadfaidh an tAire a ordú go gcuirfear triail oideachais ar na páistí.
Ina theannta sin, maidir le tuismighthóirí páistí atá ag fagháil oideachais taobh amuigh de Scoil Náisiúnta nó scoile eile atá aitheanta ag an Aire mar scoil oireamhnach, beidh sé d'oibliogóid orra, do réir an Bhille seo, fuagra agus gach eolas riachtanach do thabhairt don Ughdarás Feidhmiucháin. Féadfar fíneáil do dhéanamh ar thuismightheóir ar bith nach gcoimhlíonfaidh an coingheall seo. Thabharfadh an Bille a thuilleadh cumhachta don Aire maidir le scrúdúchán scoile ar bith ina mbeadh páistí a mbaineann an tAcht leó, óir do chuirfeadh sé d'fhiachaibh ar Bhainisteóir, nó Stiúrthóir, gach scoile aca sin scrúdúchán do cheadú i n-am ar bith ina mbeadh an scoil ar oscailt le haghaidh an ghnáth-theagaisc. Féadfar fíneáil do dhéanamh ar Bhainisteóir, nó Stiúrthóir, ar bith nach gcoimhlíonfaidh na coingheallacha seo.
Faoí Alt a 7 d'Acht 1926, do tugadh cumhacht don Aire do dhéanamh riaghlacha do chuirfeadh cosc áirithe ar fhostú páistí; ach ní dearnadh riaghlacha ar bith faoi'n alt sin, óir níor measadh a leithéidí do bheith riachtanach san am. Do rinneadh gearáin ó shoin, ar an adhbhar go bhféadfadh fostóir páistí d'fhostú gan fíneáil do theacht air, agus gur lugha an fhíneáil do déanfaí ar an tuismightheóir ná an díolaidheacht do gheobhadh sé ar son an pháiste ón bhfostóir. Ionnas go ndéanfaí an scéal sin do leigheas, do chuirfeadh an Bille seo cosc áirithe ar fhostú páistí; agus do bheadh an cosc sin ann de bhreis ar gach cosc Reachtamhail eile dá bhfuil ann fá láthair. Faoi Alt a 7 de'n Bhille, do bheadh toirmeasc deimhin ar fhostú páiste ar bith faoi 12 bhliadhain d'aois. San Alt céadna, tá coingheallacha áirithe do chur teorann ar thréimhse agus ar uaireanna fostuighthe páistí idir 12 bhliadhain agus 14 bliadhna d'aois, ionnas nach gcuirfeadh an fostú isteach ar a bhfreastal scoile agus nach gcoimeádfadh sé iad ó lán-tairbhe do bhaint as an bhfreastal sin. Ina theannta sin, thabharfadh an tAlt seo cumhacht don Aire chun Riaghlacha do dhéanamh nach leigfeadh páistí idir 12 agus 14 bliadhna d'aois d'fhostú i slighe bheatha áirithe ar bith, agus thabharfadh sé cumhacht do bhreitheamh Cúirt Dúithche toirmeasc do chur ar fhostú ar bith do chuirfeadh isteach ar fhreastal scoile nó do choimeádfadh páiste gan lán-tairbhe d'fhagháil ón bhfreastal. Tá fíneálacha dhá n-ordughadh le n-a gcur ar dhaoine do bhrisfeadh coingheallacha an Ailt seo.
Maidir le páistí lucht siubhail nach bhfanann i bhfad i limistéar Ughdaráis Feidhmiuchán ar bith fé leith, níor bh'fhuras coingheallacha an Achta Freastail Scoile do chur i bhfeidhm. Taobh istigh den dlighe do bhi ann, níor bh'fhéidir na páistí seo ná a dtuismightheóirí do thabhairt faoi'n smacht do bheadh riachtanach. Imthigheann siad go tapaidh ó áit go báit, agus ní bhíonn na páistí chomh fada ar scoil agus gur féidir dóibh bun-oideachas sásamhail ar bith d'fhagháil. Meastar go bhfuil fá thuairim 950 de na páistí seo ann, agus go bhfuil fá thuairim 700 aca nach féidir a rádh go bhfuil oideachas ar bith aca dá fhagháil. Ní maith an scéal é sin, agus táthar ag brath a leigheas tré Alt 19 den mBille. Do cuirfí d'fhiachaib ar lucht siubhail eolas i dtaobh aoise agus oideachais a gcuid páiste do thabhairt do na Gárdaí gach bliadhain, agus—dá mba riachtanach é-na páistí do leigint faoi scrúdú chun a dheimhniú ciaca bheadh siad ag fagháil oideachais oireamhnaigh nó nach mbeadh. Féadfaí fíneáil do dhéanamh ar dhaoine nach gcoimhlíonfadh na coingheallacha seo. Do bheadh sé de chumhacht ag Oifigigh Freastail Scoile ceisteanna do chur ar lucht siubhail; agus, gan barántas ar bith, d'fhéadfadh na Gárdaí breith ar dhuine aca siud le n-a mbeadh páiste d'aois scoile agus é gan bheith ag freastal scoile nó gan deimhniú ón Aire go raibh oideachas oireamhnach aige dhá fhagháil. Féadfaí páiste mar sin do chur dhá choimeád i n-áit oireamhnach choinneála, agus d'fhéadfadh an Chúirt Ughdaráis Inniúla an páiste do chur chuig Scoil Saothair, nó a chur faoi chúram duine ghaolmhair nó duine éigin eile do bheadh oireamhnach. Freastal tréimhse ar bith is lugha ná ráithe, ní glacfaí leis mar fhreastal le haghaidh chuspóir an Achta. Táthar ag súil go mbeidh na coingheallacha seo ina gcongnamh le hoideachas do chur ar fagháil do pháistí lucht siubhail, agus meastar go bhfágfaidh cuid de na daoine seo a gcuid páiste ag gaolta nó ag cáirde, ionnas go bhféadfaidh siad dul ar scoil.
Thabharfadh an Bille seo a thuilleadh cumhachta d'Oifigigh Freastail Scoile, ionnas go mba tapaidhe thiocfadh leo a gcuid oibre do dhéanamh i gcás páistí do bheadh as láthair ón scoil. Páistí ar bith do bheadh faoi chosamhlacht bheith i n-aois scoile agus do bheadh fá na sráideanna i n-am scoile, do bheadh sé dc chumhacht ag na hOifigigh stad do chur orra agus a gceistniú, agus—dá mba riachtanach é—d'fhéadfaidís páistí mar sin do thabhairt leó go tighthe a gcuid tuismightheóir agus na tuismightheóirí féin do cheistniú. Ina theannta sin, tabharfaí a thuilleadh caoi do na hOifigigh Freastail Scoile le heoías riachtanach d'fhágháil ó rollaí na scol agus ó na hoidí.
Do réir mar atá fá láthair, is éigean fuagra seachtmhaine do thabhairt do thuismightheóir sul ar féidir an dlighe do chur air mar gheall ar chéad-choir faoi'n Acht. Cúis moille an scéal do bheith amhlaidh, agus táthar ag brath é d'athrú. Do chuirfeadh an Bille seo deireadh le riachtanas na bhfuagra seachtmhaine, agus do chuirfeadh sé deireadh leis an gcoingheall nar bh'fhéidir páiste do chur chuig Scoil Saothair gan an tuismightheóir do bheith cionntuighthe dhá uair ar a laighead.
Feabhsú eile dá bhfuil sa mBille, is cuspóir dó an tAcht do dhéanamh níos éifeachtaighe chun gan leigint do thuismightheoirí a gcuid páiste do choinneáil sa mbaile ón scoil gan fáth maith dleaghthach. Tuismightheóir ar bith ag a mbeadh páiste ar chóir do bheith ag freastal Scoile Náisiúnta, no scoil eile oireamhnach, agus gan an páiste do bheith i láthair, do chuirfeadh an feabhsú seo d'fhiachaibh air fios na cúise do thabhairt don árd-oide, agus gan bheith níos moille le sin ná lá ar n-a bhárach tar éis an chéad lá do bheadh an páiste as láthair. Tuismightheóirí nach gcoimhlíonfadh an coingheall sin, nó do bhéarfadh leithscéal neimh-fhírinneach uatha, d'fhéadfaí fíneáil do chur orra. Fá láthair, ní riachtanach do thuismightheóirí fuagra do thabhairt uatha go ceann trí lá, agus níl. fíneáil orduighthe do dhaoine nach ndéanann sin féin.
Is minic a bhíos trioblóid agus mearbhall ann mar gheall ar pháistí do bheith dhá n-aistriú ó scoil go scoil. Do dhéanfadh an Bille seo míniú níos deimhne ar na coingheallacha faoi n-ar ceadmhach páistí d'aistriú mar sin, agus d'ughdróchadh sé fíneáil do chur ar thuismightheoirí do dhéanfadh páistí d'aistriú ar mhí-réir na geoingheall.
Le Coistí Freastail Scoile bhaineas feabhsuighthe eile dá bhfuil sa mBille. Is iad na Coistí seo na hUghdaráis Feidhmiucháin faoi'n Acht i gCondaebhuirg Bhaile Atha Cliath, Chorcaighe agus Phortláirge agus i mBurg Dhún Laoghaire. Ceaptar iad go páirteach idir na hUghdaráis áiteamhla agus an tAire, agus tá Bainisteóirí agus Oidí Scol Náisiúnta ar na baill atá ionnta. Tá feidhmiú an Achta ag brath go mór orra; thug siad seirbhís mhaith uatha go dtí seo, agus tá súil agam go dtabharfaidh siad an deagh-sheirbhís chéadna uatha san am atá romhainn. Do réir Achta Bainisteóireacht na gContae, 1940, is ar an mBainisteóir Contae atá cúramaí áirithe do bhíodh ar na hughdaráis áiteamhla, agus, ar an adhbhar sin, ba riachtanach linn a chur sa mBille seo gur b'é an Cathair-Bhainisteóir, nó an Burg-Bhainisteóir. do choimhlíonfadh dualgais áirithe do bhíodh le coimeád ag na Coistí Freastail Scoile. Ar na dualgais sin tá na neithe bhaineas le stiúradh, le. riaradh, le seirbhís, le príbhléidí agus le pinsin na n-oifigeach, agus freisin, le hughdarú dlighe do chur an chionntuightheoirí faoi'n Acht. Ina theannta sin, dughdróchadh an Bille do Choistí Freastail Scoile fó-choistí do cheapadh.
Ní bheadh mórán ball ins na fóchoistí, agus, ar an adhbhar sin, d'fhéadfaidís teacht le chéile níos minice, san idir-thréimhse, agus féachaint isteach i gcása neimh-fhreastail scoile ionnas go mba luaithe do déanfaí cibé gníomh do bheadh riachtanach Nidh eile, i gcás Bainisteóirí agus Pátrúin do bheadh ina mbaill de Choistí Freastail Scoile, tá an Bille ghá thairgsint go dtabharfaí cumhacht dóibh ionadaidhthe d'ainmniú do dhéanfadh an obair ina n-áit, muna mbeidís féin i ndon na cruinnighthe do fhreastal go féilteamhail. Le neithe teicniceamhla bhaineas an chuid eile de choingheallacha an Bhille, agus ní mian liom trácht orra sin anois díreach.