den Taoiseach an bhfuil aon scéal faoi láthair faoin iarrartas chuig CE chun airgead a fháil le go bhfaighfí amach an fáth nach bhfuil an tionscal teicstíle mar ba chóir sa Ghaeltacht, rud a luadh sa bplean sin Programme for National Recovery; agus an ndéanfaidh sé ráiteas ina leith.
Ceisteanna-Questions. Oral Answers. - An Tionscal Teicstíle sa Ghaeltacht.
6. D'fhiafraigh
Tuigim ó Údarás na Gaeltachta go bhfuil cúnamh ceadaithe as an gCiste Forbartha Réigiúnach de chuid an Chomhphobail Eorpaigh chun staidéar a dhéanamh ar an tionscal teicstíle sa Ghaeltacht d'fhonn moltaí a dhéanamh maidir le straitéis chomhordaithe a ullmhú chun an tionscal a fhorbairt.
An féidir leis an Aire Stáit a rá liom can iad na Gaeltachtaí ina mbeidh an staidéar seo ar siúl agus cathain a thosóidh sé agus cén uair a mheasann sé a bheidh sé críochnaithe?
Tuairim is trí bliana a thógfaidh sé, agus tá costas £150,000 leis an staidéar a dhéanamh agus tá £76,000 de sin ceadaithe ag an EC. Mar a dúirt mé, measaim go nglacfaidh sé thart ar thrí bliana leis an scrúdú a chríochnú. Níl aon eolas agam faoi na Gaeltachtaí faoi leith. Baineann sé leis na Gaeltachtaí ar fad, agus is dócha go mbeidh an scrúdú ar siúl i ngach Gaeltacht a bhfuil an obair seo ar siúl ann.
Cad a dhéanfar leis an staidéar nuair a bheas sé críochnaithe? An mbeidh an tÚdarás i dteagmháil ansin leis na heagrais san Eoraip nó leis an Roinn Airgeadais nó leis an Rialtas? Cad tá i ndán don staidéar nuair a bheas sé críochnaithe?
Mar atá a fhios ag an Teachta, tá deacrachtaí ag an tionscal seo, ní amháin sna Gaeltachtaí ach ar fud na tíre go léir. Agus is dócha go mbeidh an tÚdarás ag baint cibé eolas is féidir leo as torthaí na scrúduithe seo, le cuidiú leis na tionscail seo sna Gaeltachtaí ar fad.