Vol. 444 No. 2
55 D'fhiafraigh Mr. McGinley den Aire Ealaíon, Cultúir agus Gaeltachta an bhfuil deontas ceadaithe ag a Roinn le haghaidh oibreacha deisiúcháin ar chéibheanna ag Málainn Bhig agus Málainn Mhóir i nDún na nGall méid an deontais i ngach cás; agus cén uair a chuirfear tús leis an obair.
: Tá breithniú á dhéanamh ar mheastacháin chostais a fuarthas ó Chomhairle Chontae Dhún na nGall maidir le hoibreacha feabhsúcháin a dhéanamh ar na piaraí ag Málainn Mhór agus ag Málainn Bheag.
56 D'fhiafraigh Mr. McGinley den Aire Ealaíon, Cultúir agus Gaeltachta an bhfuil iarratas faighte ina Roinn le haghaidh deontas deisiúcháin do ché Mhachaire Rabhartaigh, Dún na nGall; cén dáta ar fritheadh an t-iarratas; an bhfuil an t-iarratas á mheas nó ceadaithe; agus an ndéanfaidh sé ráiteas ina thaobh.
Níl iarratas ar chúnamh i leith feabhsú na saoráidí calaíochta ag Machaire Rabhartaigh faoi bhráid mo Roinne i láthair na huaire. Fuarthas iarratas, áfach, ó Chomhairle Chontae Dhún na nGall ar chúnamh chun cosc a chur le creimeadh cósta ag an áit sin ach míníodh don Chomhairle nach raibh son soláthar airgid ar fáil do mo Roinn chun cúnamh a thabhairt i leith oibre den chineál sin.
