Vol. 492 No. 6
55 D'fhiafraigh Mrs. Owen den Aire Ealaíon, Oidhreachta, Gaeltachta agus Oileán an bhfuil sé i gceist athbhreithniú a dhéanamh ar na treoirlínte i scéim na dtithe nua sa Ghaeltacht i leith deontas a íoc ag éirí as Gaeilge a bheith á labhairt; agus an bhfuil a fhios aici go mbíonn cuid de chigirí na Roinne Comhshaoil ag déileáil leis seo agus gan Gaeilge ar bith acu. [14489/98]
Is faoi Achtanna na dTithe (Gaeltacht), 1929 go 1979, a íocann mo Roinnse deontais i leith tithe nua sa Ghaeltacht. Ceann de na coinníollacha a bhaineann leis an deontas sin ná go gcaithfidh an Ghaeilge a bheith mar ghnáththeanga labhartha ag iarratasóirí agus a dteaghlaigh. Níl sé i gceist an coinníoll sin a athrú. Níl baint ag Cigirí na Roinne Comhshaoil agus Rialtais Áitiúil leis an scéim áirithe seo.
