Trevor Sargent
Ceist:47 D'fhiafraigh Mr. Sargent den Aire Gnóthaí Eachtracha cad atá á dhéanamh aige chun úsáid leanaí mar shaighdiúirí in airm áirithe ar fud an domhain a fhógairt agus a stopadh. [20688/99]
Written Answers. - Conradh Chearta an Linbh.
Cúis mhór imní dom an t-ábhar seo. Dá bhrí sin, tugaimse an-chuid tacaíochta do na hiarrachtaí idirnáisiúnta le stop a chur ar úsáid leanaí mar shaighdiúrí. Ón bhliain 1987, maraíodh níos mó ná 2 mhilliún leanbh i gcogaí éagsúla, agus gortaíodh go géar 6 mhilliún diobh. Inniu, tá 300,000 leanbh ag troid, agus iad páirteach i 36 chath ar fud an domhain.
Éire is ball den Group of Friends of the Special Representative. Is é aidhm an ghrúpa seo tacaíocht a thabhairt d'obair an special representative. Is ionann sin agus féachaint chuige go dtabharfar cosaint i gcóras na Náisiún Aontaithe do leanaí atá ag troid. Grúpa neamhfhoirmiúil an grúpa seo, agus ina measc tá 11 bhall de chuid an EU, chomh maith le Coimisiún an EU, Canada, Japan, Malaysia, India agus Kenya. Tugann an special representative an-chúram do chursaí sláinte agus oideachais.
Ar an 7 Deireadh Fómhair seo chaite, d'oscail mé comhthionól i mBaile Átha Cliath a chuir Pax Christi ar bun. B'é aidhm na h-ócáide sin béim a chur ar pháistí i gcoimhlint.
Céiliúradh deich mbliana Chonradh Chearta an Linbh de chuid an UN i mbliana, agus is é tuairim an Rialtais go bhfuil an conradh seo ag seasamh ar son chearta an linbh ar fud an domhain. Ach níl sé in ann cosaint iomlán a thabairt do leanaí atá i gcoimhlint. Is coinníoll bunúsach an chonartha é ná an difríocht idir daoine fásta agus leanaí. Ach d'ainneoin sin, deireann alt 38 an chonartha gurb é 15 an aois is ísle le dul ag troid. Tá an Rialtas ag iarraidh tacaíocht a thabairt donWorking Group of the Commission on Human Rights le dréachtchonradh roghnach a chur ar bun a ardóidh an aois sin.
I rith an 55ú séisiún denUN Commission on Human Rights, glacadh mar comhaontú le rún ar leanaí i gcoimhlint. Thug an tír seo tacaíocht buan don rún sin. Lochtaíodh fuadaíocht linbh sa rún sin, agus cuireadh béim ar gá chun aois troda a ardú. Chuir an rún chuile bhall den UN faoi ghealltanas scrúdú a dhéanamh ar an dochar a dhéantar do leanaí a bhíonn ag troid.
Tá UNGA 54 ar siúl in Nua Eabhrac an mhí seo, agus pléadh an t-ábhar so go mionn san third committee. Ar an 27ú den mhí, thug an special representative a thuairisc do Ard-Rúnaí an UN ar chosaint leanbh i gcoimhlint, agus tá díospóireacht ar siúl anois ar an tuairisc seo.