Dáil Éireann díospóireacht -
Wednesday, 11 Apr 2001

Vol. 534 No. 4

Written Answers - Conradh Nice.

Dinny McGinley

Ceist:

71 D'fhiafraigh Mr. McGinley den Aire Ealaíon, Oidhreachta, Gaeltachta agus Oileán cén tionchar a imreoidh daingniú Chonradh Nice ar stádas na Gaeilge sa tír seo; an bhfuil comhairle a Roinne iarrtha ag an Rialtas faoi seo agus an imreoidh daingniú an Chonartha sin tionchar ar an mBille Teanga atá a Roinn a dhréachtú agus an ndéanfaidh sí ráiteas ina thaobh. [10612/01]

Minister of State at the Department of Arts, Heritage, Gaeltacht and the Islands (Ms Coughlan)

Baineann cúrsaí maidir leis an gConradh Nice, sa chéad dul síos, leis an Aire Gnóthaí Eachtracha. Ní fheictear go mbeidh tionchar ag Conradh Nice ar stádas na Gaeilge sa tír seo nó ar an mBille Comhionannais um Theangacha Oifigiúla atá á ullmhú ag mo Roinn faoi láthair. Níl comhairle mo Roinne iarrtha faoin gceist.