Thosaigh aistear na hÉireann go dtí Ballraíocht san AE (nó an t-am sin, Comhphobal Eacnamaíochta na hEorpa, CEE) blianta fada roimh an 1 Eanáir 1973. Go dearfa, bhí plé nár bheag ann i dTithe an Oireachtais sna blianta roimh an reifreann i mBealtaine 1972
Thíos anseo tá cúig phríomhdhíospóireacht a tharla, le sleachta ó Chomhaltaí Rialtais agus freasúra araon, a léiríonn tuairimí agus ábhair imní éagsúla polaiteoirí ag an am sin. Tá go leor gnéithe den díospóireacht fós ábhartha inniu, go háirithe i bhfianaise na Breatimeachta agus i bhfianaise an phlé leanúnaigh faoi idirspleáchas na hÉireann agus na Ríochta Aontaithe agus Prótacal Thuaisceart Éireann.
5 Iúil 1961
Comhphobal Eacnamaíochta na hEorpa – Ráiteas ón Taoiseach
“...is é tuairim láidir an Rialtais nach mbeadh sé de leas an náisiúin a bheith ag iarraidh dul isteach i gComhphobal Eacnamaíochta na hEorpa mura socródh agus go dtí go socródh an Bhreatain sin a dhéanamh”.
“Cé gur údar spreagtha iad na féidearthachta, ní féidir linn neamhaird a dhéanamh air go mbeadh a lán oiriúnuithe radacacha agus pianmhara i gceist.”
1 Lúnasa 1961
An Cómhargadh: Iarratas na hÉireann ar Chomhaltas
Rinneadh an t-iarratas seo i gcomhréir le beartas an Rialtais de réir mar a míníodh é i ráitis roimhe seo agus mar a pléadh sa Teach seo go luath in Iúil i ndiaidh fhoilsiú an Pháipéir Bháin ar Chomhphobal Eacnamaíochta na hEorpa. Creideann an Rialtas go nglactar go forleathan leis an dearcadh atá aige, sna cúinsí atá ag forbairt faoi láthair, gurb é leas náisiúnta bonn leis an mbeartas seo.
25 Iúil 1967
“Dúradh arís agus arís eile, uaireanta ar bhealaí éagsúla, nach bhfuil aon rogha againn agus mé théann an Bhreatain isteach, rachaimidne isteach, nach bhfuil aon saoirse againn. Léirítear leis seo ár spleáchas ar an mBreatain Mhór, tar éis 45 bliana den pháirtsaoirse, mar a ghlaoimid uirthi. Níl aon rud déanta againn le fáil réidh leis an spleáchas airgeadais agus eacnamaíochta seo—is mór an náire dúinn é—le 45 bliana anuas.”
21 Márta 1972
“Inniu táimid inár seasamh ag uair chinniúnach ríthábhachtach inár stair. Cinnfidh an bóthar a ghabhfaimid ní hamháin todhchaí ár dtíre ar feadh na nglúine le teacht, ach chomh maith leis sin an méid a dhéanfaimid chun cabhrú Eoraip a chruthú a bheidh sách maith le haghaidh idéil bhunaitheoirí an Chomhphobail.”
25 Deireadh Fómhair 1972
Acht na gComhphobal Eorpach, 1972 An Dara Céim.
“Creidim gur cabhair an-dearfach é dul isteach san Eoraip i dtreo athaontú mhuintir na hÉireann. Is é athaontú na ndaoine atá tábhachtach, ní aontas críche. Tá an méid atá á dhéanamh againn inniu ina chabhair ríthábhachtach i dtreo na forbartha sin.“