Dáil Éireann Debate, Wednesday - 5 April 2006
101 D'fhiafraigh Mr. McGinley den Aire Oideachais agus Eolaíochta an bhfuil tuarascáil Harris ar an Ghaeilge scrúdaithe aici go fóill, cad iad na príomh-mholtaí atá sa tuarascáil, cén uair a bheas an tuarascáil á foilsiú; agus an ndéanfaidh sí ráiteas ina taobh. [13181/06]
Amharc ar fhreagraTagraíonn an Teachta don tuarascáil Irish in Primary Schools: National Trends in Achievement (1985-2002) atá curtha ar fáil ag an Dr. John Harris agus a mhaoinigh an Roinn Oideachais agus Eolaíochta. Ní mór leagan Gaeilge agus Béarla den tuarascáil a fhoilsiú go comhuaineach agus tá leagan Gaeilge á ullmhú faoi láthair. Ní fada go mbeidh sé seo ar fáil. Tá sé ar intinn agam an tuarascáil a fhoilsiú roimh dheireadh mhí na Bealtaine. Idir an dá linn tá deis agam príomhthorthaí agus moltaí na tuarascála a mheá agus beartanna a ullmhú mar thaca don Ghaeilge sa chóras oideachais.
