Dáil Éireann Debate, Thursday - 4 May 2006
162 D'fhiafraigh Mr. McGinley den Aire Gnóthaí Pobail, Tuaithe agus Gaeltachta an bhfuil iarratas faighte aige do ché ar oileán Inis Bó Finne, Dún na nGall, an bhfuil sé á mheas faoi láthair; agus an ndéanfaidh sé ráiteas ina thaobh. [16775/06]
Amharc ar fhreagraTá iarratas faighte ag mo Roinnse le déanaí ó Chomhairle Chontae Dhún na nGall ar chúnamh le haghaidh Cé Inis Bó Finne a fhorbairt. Tá an cás seo á mheas faoi láthair i gcomhthéacs an airgid a bheidh ar fáil le caitheamh ar fhorbairt oileánda i 2006/2007 agus na n-éileamh éagsúil ar an airgead sin.
